So‘nggi vaqtlarda Uzinfocom jamoasi tomonidan yaratilgan MyID rasmiy servisiga o‘xshash soxta veb-saytlar va ilovalar yaratish bilan bog‘liq firibgarlik holatlari ko‘paygani qayd etildi.
Firibgarlar ommaviy ravishda xabarlar (SMS, messenjerlar, ijtimoiy tarmoqlar, elektron pochta orqali) yuborishmoqda yoki ommabop internet-platformalarda “soxta ilovani yuklab olish”, “ma’lumotlarni tasdiqlash”, “foyda olish” yoki “xizmatni faollashtirish” uchun havolaga o‘tishga chaqiruvchi maqsadli reklamalarni joylashtirmoqda.
Shu munosabat bilan Uzinfocom kompaniyasi foydalanuvchilarga muhim ogohlantirish e’lon qildi.
“Uzinfocom’ning rasmiy MyID mahsulotining bunday firibgarlik harakatlari bilan hech qanday aloqasi yo‘q”, deyiladi kompaniya xabarida.
Firibgarlarni qanday aniqlash mumkin?
MyID hech qachon boshqa saytlarga havolalar yubormaydi va shubhali resurslar orqali shaxsiy ma’lumotlarni uzatishni talab qilmaydi.
MyID rasmiy ilovasi faqat quyidagi havolalar orqali mavjud:
Uzinfocom’ning ta’kidlashicha, MyID’ni faqat rasmiy ilovalar do‘konlaridan yuklab olish zarur.
Ilovani boshqa manbalardan yuklab olish shaxsiy ma’lumotlar va moliyaviy mablag‘larning yo‘qolishiga olib kelishi mumkin.
“Agar siz shunday firibgarlik harakatlariga duch kelsangiz, zudlik bilan huquq-tartibot organlariga yoki Kiberxavfsizlik markazining ishonch telefoniga murojaat qiling. Ushbu ma’lumotni yaqinlaringiz va do‘stlaringiz bilan bo‘lishishingizni so‘raymiz — birgalikda firibgarlikning oldini olishimiz mumkin!”, deyiladi kompaniya xabarida.
Izoh (0)