Fransiya prezidenti Emmanuel Makron Rossiyaga qarshi jangovar harakatlar uchun Ukrainaga quruqlikdagi qo‘shinlarini yubormasligini aytdi. Bu haqda Le Monde xabar berdi.
Men hech qachon Fransiya quruqlikdagi qo‘shinlarini yuboradi, deb aytmaganman. Bugungi kunda Fransiya quruqlikdagi qo‘shinlarini yuborishga tayyorlanmayapti. Biz xavfsizlik kafolatlari masalasini ko‘rib chiqmoqdamiz. Bu strategik noaniqlik, aslida, Donald Trampning saylanishi natijasida yuzaga kelgan, dedi Fransiya rahbari.
U Ukrainani uzoq muddatli istiqbolda yangi tajovuzdan himoya qilish uchun bir qancha variantlarni ilgari surdi. Jumladan, Ukrainani qayta qurollantirish, ekspertlar va qo‘shinlarni front chizig‘idan uzoqda, “nizoli bo‘lmagan hududlarga” yuborish ko‘rib chiqilmoqda.
Biz britaniyaliklar bilan aynan shu haqda o‘ylaymiz, masalan, Yana bir variant shuni anglatadiki, agar tegishli kelishuvga erishilsa, BMT mandatiga muvofiq tinchlikparvar missiya tashkil etiladi, dedi Makron.
Shu bilan birga, Fransiya prezidenti rossiyalik hamkasbi Vladimir Putin bilan telefon orqali gaplashishi mumkinligini aytdi.
Agar bu vaziyat uchun foydali bo‘lsa, shubhasiz, u bilan yana bir bor suhbatlashaman, dedi Makron.
U G‘arb qo‘shinlarini Ukrainaga yuborish mumkinligi haqidagi munozaraning asosiy tashabbuskorlaridan biri edi. 2024-yilning fevral oyi oxirida Makron Rossiyaning mag‘lubiyatini Yevropa uchun zarur deb atadi va Fransiya qo‘shinlarining mojaro zonasiga yuborilishini istisno qilmadi. Keyinchalik u Rossiya armiyasiga qarshi quruqlikdagi operatsiya o‘tkazilishini ham rad etmagandi.
Izoh (0)