Aktrisa Maryam Uzerli “Muhtasham yuz yil” serialidagi raqiblarining fitnalariga qarshi turib, turk sultoni Sulaymonning qalbini zabt eta olgan Xurram roli orqali tanildi. Uning ekrandagi xarizmasi va o‘ziga bo‘lgan yuksak ishonchiga qaramay, aktrisa suratga olish paytida hamkasblari oldida bir necha bor xijolatli vaziyatlarga tushib qolgan.
Xurramning libosi bilan bog‘liq voqea
Maryam Uzerli uyalib qolgan shunda epizodlardan biri Xurramning hashamatli yashil libosda sulton oldiga tashrif buyurishi kerak bo‘lgan sahna edi. Ammo rejissyorlar talabiga ko‘ra tana vaznini oshirishga harakat qilayotgan Maryam avvaldan tikib, tayyorlab qo‘yilgan qimmatbaho libosga sig‘may qoladi. Kostyum dizaynerlari esa yangi kiyim tayyorlashga ulgurmagani bois suratga olish paytida ko‘ylakning choklari ajralib, tom ma’noda yirtilib ketadi.
“O‘sha paytda men juda uyalgan edim, ammo bu voqeani hozir eslasam, yuzimga tabassum yuguradi”, deydi Uzerli.
Shu sababli suratga olish ishlari vaqtinchalik to‘xtatiladi va Xurram sultonga yangi — sariq rangli bejirim libos tikiladi.
Halit Ergench bilan epizod: Sulton Sulaymon ishonchini oqlay olmaslikdan qo‘rquv
Maryam Uzerlini uzoq vaqt xijolat tortishiga sabab bo‘lgan yana bir voqea aktyor Halit Ergench bilan bog‘liq. Epizodlardan birida o‘rmonda Xurramga hujum qilishadi, so‘ng rafiqasini izlab topgan sulton Sulaymon uni qo‘liga olib, saroyga olib boradi.
Og‘ir kiyimlar, aksessuarlar hamda Maryamning ortiqcha vazni tufayli aktrisa Halitga og‘irlik qilishidan juda xavotir oladi. U hatto ko‘tarish sahnasi uchun alohida dublyorni yollashni taklif qiladi, biroq Ergenchning o‘zi ushbu sahnani ijro etishini aytadi.
“Men Halitning oldida juda uyalar edim. U meni qo‘liga olganida og‘irligimdan yerga tashlab yuborishidan emas, balki unga zarar yetkazishdan qo‘rqar edim. Ammo Halit buning uddasidan chiqdi!”, dedi Uzerli.
2011-2014 yillar oralig‘ida efirga uzatilgan “Muhtasham yuz yil” tarixiy seriali Usmonli imperiyasi sultoni Sulaymon (1520-1566) davridagi voqealarni hikoya qiladi. Asosiy e’tibor sultonning saroydagi hayoti, siyosiy intrigalar va Xurram Sulton bilan bo‘lgan munosabatlariga qaratilgan.
Izoh (0)