Oilaviy mojarolar tufayli so‘nggi kunlarda ko‘plab OAV e’tiboriga tushgan turkiyalik taniqli aktyor va xonanda O‘zjan Deniz yurak xurujini boshidan kechirdi. Bu haqda “Türkiye Gazetesi”ga tayanib, 1news.az xabar berdi.
Aktyor “Alvon g‘unchalar” serialining navbatdagi qismini suratga olish joyida to‘satdan hushini yo‘qotgan. Qayd etilishicha, Denizga tez tibbiy yordam ko‘rsatilib, so‘ng angiografiya qilingan. Ikki haftadan keyin aktyor yuragining tromb hosil bo‘lgan koronar arteriyasiga maxsus stent o‘rnatish uchun yana kasalxonaga yotqizilishi kerak bo‘ladi. Ayni damda u salomatligini tiklashi uchun uyiga yuborilgan.
Eslatib o‘tamiz, yaqinda aktyor oilaviy mojarolari tufayli turk va xorijiy OAV markazida bo‘lgan edi. Uning onasi Kadriye Deniz o‘g‘lining va kelini Samar Dadgarning ustidan sudga da’vo arizasi bilan murojaat qilib, himoya orderini talab qilgan edi.
Izoh (0)