Surxondaryoda fuqaro B.M.ning murojaatiga asosan tezkor tadbir o‘tkazildi. Bu haqda Bosh prokuratura matbuot xizmati xabar berdi.
Maʼlum qilinishicha, fuqaro J.D. Qumqo‘rg‘on tumani “Xo‘jamulki” mahallasi hududida joylashgan davlat zaxirasidagi 0,43 gektar yer maydonini o‘ziga tegishli ekanligiga ishontirib, ushbu yer maydonini 187 mln so‘mga sotishini aytgan.
Kelgusida tanishlari orqali yerni uning nomiga rasmiylashtirib berishni vaʼda qilib, kelishilgan pulni olayotgan vaqtida ushlandi.
Holat yuzasidan Jinoyat kodeksining 168-moddasi 3-qismi “a” bandi (Firibgarlik ko‘p miqdorda) bilan jinoyat ishi qo‘zg‘atildi.
Yer sotish holatlari
Avvalroq Toshkentda Davlat kadastrlar palatasi tuman filiali boshlig‘i 25 ming dollar olayotganida ushlangandi. Shuningdek, Navoiy, Namangan va Andijon viloyatlarida noqonuniy yo‘llar bilan yer maydonlari olib berishni vaʼda qilgan shaxslar qo‘lga olingan.
Izoh (0)