Prezident Shavkat Mirziyoyev Fouad Alghanim&Sons kompaniyasi rahbari Fadi Xaddadni qabul qildi.
1965-yilda tashkil etilgan xolding avtomobilsozlik, qurilish, energetika, neft-gaz, savdo, kema qurilishi, aviatsiya, telekommunikatsiya, turizm va ko‘chmas mulk sohalarida faoliyat yuritmoqda.
Fouad Alghanim&Sons kompaniyasining davlat-xususiy sheriklik shartlari asosida sog‘liqni saqlash va taʼlim obyektlarini qurish rejalari qo‘llab-quvvatlandi.
Shavkat Mirziyoyev Al-Kuvayt shahrida Agility Logistics kompaniyasi raisi Xenadi al-Solih bilan uchrashuv o‘tkazdi.
1979-yilda tashkil etilgan transmilliy logistika kompaniyasi bu sohada dunyoning eng yirik korxonalaridan bo‘lib, 70 dan ortiq mamlakatda faoliyat yuritmoqda. Aviatsiya xizmatlari, sanoat omborlari, logistika parklari, xizmatlarni raqamlashtirish kabi yo‘nalishlarda ish olib bormoqda.
Uchrashuvda Ko‘rfaz mamlakatlariga qishloq xo‘jaligi mahsulotlarini samarali yetkazib berish uchun O‘zbekistonda qo‘shma logistika markazini tashkil etish bo‘yicha istiqbolli loyihaga alohida eʼtibor qaratildi.
Prezident Shavkat Mirziyoyev Al-Kuvayt shahrida Action Group Holdings kompaniyasi rahbari Shayx Muborak as-Sabohni qabul qildi.
1998-yilda tashkil etilgan xolding faoliyati ko‘chmas mulk, neft sanoati, axborot texnologiyalari, logistika, qurilish, taʼlim, konsalting va savdo sohalarini qamrab oladi.
Davlatimiz rahbari Action Group Holdings kompaniyasining O‘zbekistonda gidroelektr stansiyalari va ijtimoiy uy-joylar qurish, mineral resurslarni qayta ishlash bo‘yicha rejalarini maʼqulladi.
Izoh (0)