O‘zbekiston milliy jamoasi sobiq yarim himoyachisi Sanjar Tursunov faoliyatini yakunladi. Bu haqda futbolchining o‘zi Instagram sahifasida ma’lum qildi.
“Bugun men professional futboldagi faoliyatimga yakun yasaganimni eʼlon qilmoqchiman. Butun futbol jamoatchiligiga, milliy jamoaga va faoliyatim davomida o‘ynagan barcha klublarga, murabbiylarga, jamoadoshlarimga hamda futbol muxlislariga tashakkur izhor etaman”, deb yozdi 38 yoshli futbolchi ijtimoiy tarmoqlardagi sahifasida.
Tursunov O‘zbekiston milliy jamoasida 50 o‘yinda maydonga tushib, 5 ta gol urgan.
Futbolchi 1986-yili Toshkentda tug‘ilgan. U “Paxtakor” yoshlar jamoasida o‘ynagan va 2006-yilda Rossiyaning „Irtish Omsk“ futbol klubiga o‘tgan. Faoliyati davomida “Volga”, “Alaniya”, “Orenburg”, “Vorskla”, “Umm Salal”, “Al Huritiyat”, “Tejon Sitizen”, “Bunyodkor”, OKMK va “Lokomotiv” klublarida harakat qilgan.
2012-yili O‘zbekistonda yilning eng yaxshi futbolchisi sifatida e’tirof etilgan.
Izoh (0)