InfinBANK yangi mahsulot — InfinNasiya muddatli to‘lov kartasini taqdim etadi. U bilan xaridlar jarayoni yanada oson va qulay bo‘ladi. Endi siz bizning hamkorlarimizdan xaridlarni amalga oshirib, ularni muddatli to‘lov orqali to‘lash imkoniyatiga ega bo‘lasiz. Ushbu mahsulot tovar va xizmatlar narxini o‘n ikki teng qismga bo‘lish imkoniyatini beradi, bu esa byudjetga moliyaviy yuklamani sezilarli darajada kamaytiradi.
InfinNаsiya kartasi shartlari:
- Moliyalashtirish muddati — 5 yil;
- Har bir xarid miqdorini so‘ndirish – 12 oy;
- Qayta tiklanadigan limit muddati – 48 oy;
- Moliyalashtirish miqdori —100 000 000 so‘mgacha;
- Muddatli to‘lov uchun komissiya – xaridlar miqdorining 1/3 qismi.
Muddatli to‘lov kartasining xususiyatlari:
Muddatli to‘lov kartasi to‘liq shaffofligi bilan ajralib turadi — yashirin komissiyalar, foizlar yoki qo‘shimcha to‘lovlar (masalan, kechikkan to‘lov uchun jarima) mavjud emas. Xaridlar uchun komissiyalar oylik to‘lovlar ichiga kiritilgan.
Qo‘shimcha to‘lov miqdorini qanday hisoblash mumkin?
Muddatli to‘lov kartasi bo‘yicha to‘lanishi kerak bo‘lgan to‘liq summani hisoblash uchun mahsulot narxiga uning uchdan bir qismini qo‘shish kifoya.
Bundan tashqari, bank har bir mijoz o‘ziga qulay to‘lov jadvalini tanlashi uchun to‘lovni so‘ndirishning moslashuvchan shartlarini taklif qiladi.
InfinNasiya kartasi turli foydalanuvchilar uchun qulay hisoblanadi. Yirik xaridlarni tez-tez amalga oshiradiganlar uchun ham, kundalik moliyaviy boshqaruvni samarali tashkil etishni istaydiganlar uchun ham birdk mos keladi. Kartani rasmiylashtirish jarayoni mobil ilova orqali amalga oshiriladi, bu esa jarayonni ancha osonlashtiradi.
Yangi mahsulotdan foydalanish juda oson: shunchaki InfinBANK ilovasini yuklab oling, InfinNasiya muddatli to‘lov kartasini rasmiylashtiring — va kartangiz atigi 5 daqiqada, uyingizdan chiqmagan holda tasdiqlanadi! Mablag‘laringiz xavfsizligini ta’minlash maqsadida kartadan foydalanish uchun uni shaxsan qabul qilib olishingiz kerak bo‘ladi. Biz buning yo‘lini ham o‘ylab qo‘ydik — kartani bank filialidan olib ketishingiz yoki bevosita manzilingizga yetkazib berilishini buyurtma qilishingiz mumkin.
«Yangi muddatli to‘lov kartasi bu - ortiqcha bezovtalanmay xaridlarni amalga oshirish imkoniyati hisoblanadi. Biz mijozlarimiz uchun qulay va tushunarli moliyaviy vositalarga ega bo‘lish qanchalik muhimligini tushunamiz. Shuning uchun foydalanuvchilarimiz ehtiyojlariga to‘liq mos keladigan mahsulot yaratdik», deya ta’kidlaydi Bank xodimi.
Endilikda xaridlarni amalga osirish yanada osonlashdi! Bankning hamkorlik tarmog‘ida allaqachon butun Respublika bo‘ylab 200 dan ortiq do‘konlar mavjud bo‘lib, ular turli toifadagi mahsulot va xizmatlarni o‘z ichiga oladi. Bular qurilish materiallari, maishiy texnika va boshqalardan iborat. Hamkorlarining to‘liq ro‘yxati bilan quyidagi havola orqali tanishib olishingiz mumkin: havola.
InfinBANK muddatli to‘lov kartasi imkoniyatlarini rivojlantirish, hamkorlik tarmoqlarini kengaytirish va mahsulotni mijozlar uchun yanada qulayroq qilish bo‘yicha ishlarni rejalashtirmoqda.
Reklama huquqi asosida.
Izoh (0)