Futbol bo‘yicha Italiya chempionati 25-turidan o‘rin olgan bahsda “Roma” safarda “Parma” bilan to‘qnash keldi va minimal hisobda mag‘lubiyatga uchradi.
Uchrashuvdagi yagona gol jarima zarbasidan kiritildi. Eldor Shomurodovning uzatmasidan so‘ng “Parma” himoyachilari qo‘pollik ishlatishga majbur bo‘ldi. Aynan shu jarima zarbasidan urilgan gol yakunda mehmonlarga 3 ochko olib keldi.
O‘zbekistonlik futbolchi ushbu uchrashuvda to‘liq harakat qildi. Sofascore nashri Shomurodovning o‘yinini 7,2 ballga baholadi. “Roma” himoyachisi Chelik portal tomonidan eng yuqori 8,1 ballga loyiq ko‘rildi. Yagona gol muallifi Saule 7,9 ball oldi. Gurna-Duat mehmonlar tarkibida eng past 6,7 ball bilan baholangan.
“Parma” tarkibida eng past ball olgan futbolchi bu Leoni bo‘ldi — 5,3 ball. Aynan uning qo‘polligi sabab belgilangan jarima to‘pi golga aylandi. Futbolchi esa maydondan chetlatilib jamoa bir soat davomida bir kishi kam bo‘lib o‘ynashga majbur bo‘ldi. Jamoasini bir nechta gollardan qutqarib qolgan yaponiyalik darvozabon Suzuki jamoasi tarkibida yaxshi ball olgan yagona futbolchi bo‘ldi — 7,1 ball.
Ushbu g‘alabadan so‘ng, “Roma” o‘z ochkolari sonini 37 taga yetkazdi va chempionat turnir jadvalida 9-o‘rinni egallab turibdi.
Jamoa keyingi uchrashuvni 20-fevral kuni “Portu”ga qarshi o‘tkazadi. Yevropa Ligasi pley-off bosqichidan o‘rin olgan uchrashuvning dastlabkisi durang bilan (1:1) yakunlangan edi.
Izoh (0)