O‘zbekistonlik MMA ustasi Mashrabjon Ro‘ziboyevning 16-fevral kuni bo‘lib o‘tishi rejalashtirilgan UFC’dagi debyut jangi bekor qilindi.
Sportchi qisqa muddatda jangga rozilik bergan edi, ammo vazn meʼyorini bajara olmadi.
Shu tariqa, u UFC Vegas 102 turnirida Jared Gordonga qarshi jang qila olmaydigan bo‘ldi.
Mashrabjon turnir boshlanishiga 4 kun qolganida ushbu jangni qabul qilib olgandi. Mazkur turnir doirasida Kauye Fernandes va Jared Gordon o‘zaro jang qilishi lozim edi. Ammo Fernandes jarohat oldi va jangda qatnasha olmaydigan bo‘ldi. Mashrabjon Ro‘ziboyev esa Gordon bilan jang taklifiga rozilik bergandi.
Ma’lumot o‘rnida, Mashrabjon Ro‘ziboyev o‘zbekistonlik UFC jangchisi Nursulton Ro‘ziboyevning ukasi hisoblanadi. 28 yoshli Mashrabjon professional faoliyati davomida 25 ta jang o‘tkazib, 20 g‘alaba va 4 mag‘lubiyat qayd etgan, bitta jang natijasi esa bekor qilingan.
Izoh (0)