Chili Patagoniyasi qirg‘oqlarida kit 20 yoshli eshkakchi yutib yubordi, bir necha soniyadan so‘ng uni tashqariga uloqtirdi. Bu haqda Associated Press xabar berdi.
20 yoshli Adrian Simankas otasi bilan birga Magellan bo‘g‘ozidagi San-Isidro mayog‘i yaqinidagi qayiqda sayohat qilayotgan bo‘lgan. Biroz vaqt o‘tgach, suv yuzasiga chiqqan kit Adrianni qayig‘i bilan birga yutgan, keyin esa tashqariga uloqtirgan.
“Men o‘zimni o‘lgan deb o‘ylagandim. Meni yutib, yeb yubordi deb o‘ylagandim”, deydi Adrian
Yuz berayotgan voqeadan bir necha metr narida turgan ota buni videoga olib, o‘g‘lini xotirjam bo‘lishga undagan.
Adrian suv yuzasiga chiqqanidan keyingina haqiqiy qo‘rquv his qilgani, bahaybat kit otasiga zarar yetkazishidan yoki o‘zi muzdek suvda halok bo‘lishidan xavotirga tushganini aytgan.
Fevral oyi boshida Isroilning Xadra shahri qirg‘oqlarida akula baliqchiga hujum qilgandi, biroq erkak undan qochishga muvaffaq bo‘lgan. O‘shanda baliqchining akula bilan to‘qnashuvi aks etgan video tarqalgan. Bu joyda 75 yil ichida birinchi marta akula hujumi sodir bo‘lgan. Hujum erkakning GoPro videokamerasiga tushib qolgan.
Izoh (1)
Фуфло