Londonning “Arsenal” klubi yarim himoyachisi Bukayo Saka jarohati og‘irlashishi xavfi tufayli yana sakkiz hafta o‘ynamasligi mumkin. Bu haqda The Sun xabar bermoqda.
Manba ma’lumotiga ko‘ra, “Arsenal” bosh murabbiyi Mikel Arteta, faqat Leandro Trossard, Rahim Sterling va 17 yoshli Itan Nvaneri hujumkor yarim himoyachilargina tarkibda qolganida, Sakaning to‘liq tiklanishi uchun xavfga bormaslikka qaror qilgan. U yana 4 oy safga qaytmasligi mumkin.
Ma’lumot uchun, 23 yoshli ingliz futbolchisi 21-dekabrda “Kristal Pelas”ga qarshi Angliya chempionati 17-turida (5:1) 24-daqiqada maydonni tark etgan. Keyinchalik futbolchi jarrohlik amaliyotini o‘tkazdi.
Joriy mavsumda hujumchi “Arsenal” safida APLning 16 ta oyinida maydonga tushib, 5 ta gol urdi va 10 ta golli uzatma berdi. Shuningdek, Saka Chempionlar Ligasi guruh bosqichida 5 ta o'yinda 4 ta gol urdi va 2 ta golli uzatma amalga oshirdi.
Izoh (0)