Poytaxtdagi Hilton mehmonxonasida “Biznesni rivojlantirish banki” ATB tomonidan bank va mijozlar o‘rtasida aloqalarni mustahkamlash, bank mahsulotlari jozibadorligini yanada oshirish maqsadida biznes tushlik tashkil etildi. Mazkur tadbirga mamlakatimizdagi yirik kompaniyalar, jumladan, bank mijozlari bo‘lgan Uzbekistan GTL, ADM Jizzax, Arimex, Rimpex Polimer, Petrowool, Akfa Group, “Oqsaroy tekstil” kabi yetakchi ishlab chiqaruvchilar va investorlar taklif etildi.
Muloqot davomida ishtirokchilarga bankning uzoq yillik rivojlanish bosqichlari, tadbirkorlar uchun mavjud kredit mahsulotlari, xalqaro moliya institutlari bilan hamkorlikdagi loyihalar, tranzaksion banking xizmatlari haqida taqdimotlar o‘tkazildi.
Biznes tushlik tadbirkorlar va bank mutaxassislari o‘rtasida o‘ziga xos ochiq muloqot maydoni bo‘ldi. Unda “Biznesni rivojlantirish banki«ning kredit mahsulotlari va moliyalashtirish dasturlaridan foydalanish shartlari, yirik loyihalar uchun investitsiyalarni jalb qilish mexanizmlari, eksportchi korxonalarni qo‘llab-quvvatlash va biznesni rivojlantirish, “yashil iqtisodiyot” doirasidagi moliyalashtirish imkoniyatlari, bank va yirik tadbirkorlar o‘rtasidagi o‘zaro hamkorlikni mustahkamlash mavzularida fikr almashildi.
-jnNdLjrL.jpg)
Taklif etilayotgan xizmat va mahsulotlarning jozibadorligini yanada oshirish, yangi mahsulotlarni ishlab chiqishda mijozlar talablariga ustuvorlik berilishi qayd etildi.
Ishchanlik ruhida o‘tgan muloqot davomida istiqbolli loyihalarni birgalikda amalga oshirishga doir g‘oyalar va takliflar bildirildi.
Tadbir yakunida ishtirokchilar bankning mijozlar bilan o‘zaro manfaatli hamkorlikni rivojlantirish yo‘lida olib borayotgan siyosati hamda taklif etilayotgan moliyaviy yechimlarni ijobiy baholadilar.
“Biznesni rivojlantirish banki” ATB kelgusida ham tadbirkorlikni rivojlantirish yo‘nalishida mijozlar bilan doimiy muloqotni tashkil etishga va mijozlarga yangi imkoniyatlar yaratishga intiladi.
Reklama huquqi asosida.
Izoh (0)