ASUS Zenbook Duo 2025 – bu mobil hisoblash texnologiyalarining kelajagiga dadil da’vo. Ikkita sensorli ekran, ilg‘or protsessorlar va innovatsion funksiyalar uni bozordagi e’tiborga loyiq qurilmalardan biriga aylantiradi. Bu noutbuk nafaqat trendlar bilan hamnafas, balki o‘z toifasida yangi standartlarni belgilamoqda.
Qo‘shaloq OLED-ekran: virtual olamga ikki baravar chuqurroq sho‘ng‘ish
Zenbook Duo ikki ekranli innovatsion tizimi tufayli foydalanuvchiga kontent bilan ishlashni mutlaqo yangi darajasini taklif qiladi. Yagona ish yuzasiga birlashtirilgan ikkita 14 dyuymli ASUS Lumina OLED 3K 120 Gerts sensorli displey imkoniyatlarni yanada kengaytiradi
14 dyuym o‘lchamli noutbukni xarid qilgan foydalanuvchi diagonal o‘lchami 19,8 dyuymgacha yetadigan ekran maydoniga ega bo‘ladi.
Zenbook Duo displeylari har qanday vazifaga mos ravishda tasvirni sozlash imkonini beradigan turli xil aqlli funksiyalarga ega. Ular orasida rang maydonini tanlash, video sifatini oshirish uchun ASUS Tru2Life profillari, shunigndek, energiya sarfini kamaytirishga yordam beradigan texnologiyasi mavjud.
Zenbook Duo vizual tizimining yuragi – ikkita ASUS Lumina OLED displeylari. Bu texnologiya hayratlanarli kontrast, teran qora rang va DCI-P3 rang maydoning 100% qamrovini ta’minlaydi. Har bir tus ajoyib aniqlik va tabiiylik bilan aks ettiriladi, bu esa grafika bilan ishlash, video montaj qilish va multimedia kontentini iste’mol qilishni yanada yoqimli va samarali qiladi.
Ko‘p sonli oynalarni unutish mumkin: ikki ekran – bitta yechim
Hamohang ishlaydigan ikkita 14 dyuymli sensorli OLED-displey foydalanuvchiga cheksiz imkoniyatlar eshigini ochadi. Noutbuk turli maqsad va vazifalarga moslashgan holda, mutlaqo farqli rejimlarda ishlay oladi:
- An’anaviy noutbuk rejimi. Bluetooth klaviaturasini pastki ekran ustiga joylashtirib, odatiy tartibda ishlatish mumkin.
- Mobil yechim — virtual klaviaturali rejim. Agar matn terish zarurati bo‘lmasa va sensorli boshqaruv afzal ko‘rilsa, pastki ekranni virtual tugmalar sifatida ishlatish mumkin.
- Kengroq maydon uchun — jismoniy klaviaturali ikki ekranli rejim. Turli vazifalar uchun ikkita displeydan foydalanish kerak bo‘lganda qulay.
- Jamoaviy ish rejimi. Noutbukni 180 gradusga ochganda, ikkita ekran hamkasblar bilan taqdimot va vazifalar ustida ishlash uchun yagona ish maydoniga aylanadi.
- Shaxsiy kompyuter rejimi. Ekranlarni vertikal joylashtirib, maksimal ish yuzasiga ega bo‘lish mumkin.
Noutbukning bunday universalligi ko‘plab vaziyatlarda foydali bo‘lishi mumkin. Masalan, bir ekranda video tahrirlash, ikkinchisida esa taymlayn, rang palitrasi bilan ishlash va hamkasblar bilan chatda yozishish mumkin. Yoki vertikal formatda ekranning bir yarmida kod yozish, ikkinchisida esa hujjatlar ochish mumkin. Yoki bir vaqtning o‘zida ham film tomosha qilib, ham ishlash mumkin.
Intuitiv boshqaruv: ergonomika yuqori darajada
Zenbook Duo shunchaki noutbuk emas – u zamonaviy texnologiyalar va ergonomikaning mukammal timsolidir. Uning o‘lchamlari nihoyatda ixcham – qalinligi atigi 14,6 mm, og‘irligi esa 1,35 kg bo‘lib, istalgan joyga olib yurish imkoniyatini beradi.
Zenbook Duo`ning asosiy o‘ziga xos jihatlaridan biri – uning noyob konstruktsiyasidir. Ichki o‘rnatilgan tirgak sozlamasi pastki ekran burchagini 40 dan 70 gradusgacha o‘zgartirish imkonini beradi va turli sharoitlarda ish uchun optimal joylashuvni ta’minlaydi. Aniq tugma yurishiga ega bo‘lgan ajraladigan to‘liq o‘lchamli klaviatura va katta sensorli panel ishlashni qulay qiladi.
Zenbook Duo boshqaruviga kelsak, bu vazifani ScreenXpert 3.1 bajaradi. Ushbu dastur ikkita ekranni yagona kuchli ish yuzasiga aylantiradi. Intuitiv harakatlar, virtual klaviatura va turli xil sozlamalar yordamida ilovalar o‘rtasida oson o‘tish, oynalarni ko‘chirish va boshqa vazifalarni bajarish mumkin.
Bundan tashqari, Zenbook Duo ikkita Thunderbolt 4 porti bilan birgalikda to‘liq interfeys to‘plamiga ega. Bu noutbukka monitorlar, tashqi xotira disklari va dok-stansiyalar kabi ko‘plab tashqi qurilmalarni ulash imkonini beradi.
Ish ham hordiq ham birda: Zenbook Duo hammasini uddalaydi
Zenbook Duo korpusi ostida murakkab vazifalarni bajara oladigan yuqori unumli ish stansiyasi yashiringan. Yangi noutbuk Intel Core Ultra 9 (Series 2) protsessori bilan jihozlangan bo‘lib, u ajoyib tezlik va samaradorlikni ta’minlaydi. Bundan tashqari, ichki sun’iy intellekt tezlatkichi — Intel AI Boost NPU — sun’iy intellekt bilan bog‘liq vazifalarni tez va samarali bajaradi.
Bunday kuchli tuzilma samarali sovutish tizimini talab qiladi. Zenbook Duo ASUS IceCool innovatsion sovutish tizimi bilan jihozlangan bo‘lib, bu tizim protsessor haddan tashqari qizib ketmasdan maksimal tezlikda ishlashini ta’minlaydi. Tizim qo‘shimcha issiqlik taqsimlagichiga ega bo‘lib, u qurilma qismlaridan issiqlikni samarali ravishda chiqarib yuboradi va hatto eng yuqori bosimda ham qurilmaning barqaror ishlashiga yordam beradi.
Yuqori unumdorlikka qaramay, Zenbook Duo butun ish kuni davomida quvvatlanmasdan ishlashi mumkin. Hajmi 75 Vt·soatli akkumulyatori va energiya tejovchir texnologiyasi noutbukni 13 soatdan ortiq mustaqil ishlashga imkon beradi. Agar tez zaryadlash zarur bo‘lsa, qurilma atigi 49 daqiqada 0% dan 60% gacha quvvat oladi.
Zenbook Duo’ni O‘zbekistonning elektronika do‘konlarida, shuningdek, ASUS rasmiy hamkori nout.uz orqali xarid qilish mumkin.
Sayt: Nout.uz
Reklama huquqlari asosida.
Izoh (0)