Sud Trampning USAIDning 2000 dan ortiq xodimini maʼmuriy taʼtilga chiqarish rejasini to‘xtatdi.
Federal sudya Karl Nikols Xalqaro taraqqiyot agentligi (USAID) xodimlarini vakillik qiluvchi kasaba uyushmalarining da’vosiga javoban vaqtinchalik buyruq chiqardi.
Sudya da’vogarlarning fikriga qo‘shildi. Agar Donald Tramp ma’muriyatining rejalari to‘xtatilmasa, USAID xodimlari “jiddiy zarar” ko‘radi, deb hisobladi sudya.
Sud qarori tafsilotlari, jumladan, USAIDning allaqachon maʼmuriy taʼtilga chiqarilgan 500 nafar xodimi taqdiri keyinroq maʼlum bo‘ladi.
Reuters taʼkidlaganidek, sudya Nikols kasaba uyushmalarining boshqa talablarini, jumladan, USAID binolariga kirishni ochish va agentlik grantlari hamda shartnomalari uchun mablag‘lar ajratishni qanoatlantirmadi.
AQSh prezidenti Donald Tramp 7-fevral kuni “USAIDni yopishga” chaqirgandi. Bir kun avval USAID xodimlarining 10 mingdan ortiq xodimidan atigi 611 nafari olib qolinishi rejalashtirilayotgani haqida xabar berilgandi.
2000 dan ortiq ishchi ma'muriy ta'tilga chiqishi kerak edi.
Izoh (0)