Alyaskada yo‘qolgan Bering Air aviakompaniyasining samolyoti Nom shahriga ketayotib radarlardan g‘oyib bo‘lgani haqida xabar berilgan edi. AP nashri havo kemasi halokatga uchragani hamda qutqaruvchilar uning bo‘laklarini topishgani haqida ma’lum qildi.
Samolyot bortida bo‘lgan o‘n kishining barchasi halok bo‘ldi, deb yozadi nashr rasmiylarga tayanib.
Qirg‘oq qo‘riqlash xizmati leytenanti Benjamin Makintayr-Koblnign aniqlik kiritishicha, radiolokatsion kriminalistik ekspertiza ma’lumotlariga ko‘ra, samolyot bilan “balandlik va tezlikni tezda yo‘qotishga olib kelgan qandaydir hodisa yuz bergan”. Samolyotdan falokat signali kelmagan.
Agentlikning aniqlik kiritishicha, samolyot yo‘lovchilarni odatiy ish joylariga tashish xizmatini amalga oshirgan, barcha yo‘lovchilar kattalar bo‘lgan. Hududning kengligi va cheklangan infratuzilma tufayli aviatsiya Alyaskada transportning asosiy turi hisoblanadi. Mazkur hodisa shtatdagi so‘nggi 25 yildagi eng ko‘p o‘limga sabab bo‘lgan aviahalokat bo‘ldi.
6-fevral kuni Qutb doirasidan janubda, Alyaskadagi Norton Saund ko‘rfazi ustidan uchib o‘tayotgan, bortida o‘n kishi bo‘lgan Bering Air aviakompaniyasiga tegishli samolyot radarlardan g‘oyib bo‘lgan edi. Unalaklitdan Nomga yo‘l olgan havo kemasi bortida to‘qqiz nafar yo‘lovchi va uchuvchi bo‘lgan.
Izoh (0)