Suriya harbiy-havo va harbiy-dengiz bazalarini saqlab qolishi uchun Rossiyaga imkoniyat berishga tayyor, bunda Kreml bilan har qanday kelishuv mamlakat manfaatlariga mos kelishi kerak. Bu haqda Suriya mudofaa vaziri Murhaf Abu Qasra bayonot berdi.
-L4EbIkGe.jpg)
Vazir yangi hukumat eski aloqalarni qayta ko‘rib chiqayotganini qayd etdi. U Rossiya munosabati dekabrda prezident Bashar Asad ag‘darilganidan so‘ng “sezilarli darajada yaxshilangani” va Damashq Moskvaning talablarini o‘rganayotganini ma’lum qildi.
Rossiyaga Tartusdagi harbiy-dengiz portini va Latakiyadagi Xmeymim aviabazasini saqlab qolishga ruxsat beriladimi, degan savolga javob berar ekan, Abu Qasra shunday dedi:
“Agar bu Suriya uchun foydali bo‘lsa, ha”.
Mudofaa vaziri Suriyaning muvaqqat prezidenti Ahmad al-Shar’a o‘tgan oy oxirida Rossiya rasmiylari bilan uchrashganida Asadni ekstraditsiya qilishni so‘ragan-so‘ramaganini aniq tasdiqlashdan bosh tortdi. Ammo Asadni javobgarlikka tortish masalasi uchrashuvda ko‘tarilganini aytdi.
“Bashar Asad Rossiyaga borishga qaror qilganida, biz ruslar bilan kelisha olmasligimizni o‘ylagandi... Ehtimol, ular bilan munosabatlar shunday tiklanadiki, bu avvalo Suriya manfaatlariga, keyin esa ularning manfaatlariga xizmat qiladi”, deb ta’kidladi Abu Qasra.
Tashqi ishlar vaziri o‘rinbosari Mixail Bogdanov boshchiligidagi Rossiya delegatsiyasi tomonlar Asad maqomini muhokama qilgan-qilmaganiga izoh bermadi. Bogdanov ta’kidladi:
So‘nggi haftalarda sodir bo‘lgan voqealar natijasida fuqarolarimiz va obyektlarimizga zarar yetmagani uchun minnatdorlik bildirdik.
Uning so‘zlariga ko‘ra, Rossiya harbiy ishtiroki bo‘yicha kelishuv “qo‘shimcha muzokaralarni talab qiladi”.
“Hali hech narsa o‘zgargani yo‘q... Biz chuqurroq maslahatlashuvlarni davom ettirishga kelishib oldik”, degan vazir.
Suriya rasmiylariga ko‘ra, o‘tgan oyda Suriya Tartus portining tijorat qismini boshqarish bo‘yicha Rossiya kompaniyasi bilan shartnomani bekor qilgan, biroq Rossiya harbiy ishtirokining kelajagi noaniqligicha qolmoqda.
Izoh (0)