O‘zbekiston Respublikasi Prezidentining Malayziyaga rasmiy tashrifi doirasida Havas Holding vakillari biznes-forumda ishtirok etib, 200 mln dollardan ortiq qiymatga teng bitimlarni imzoladilar.
Havas Holding — 2018-yil O‘zbekistonda asos solingan va jadal sur’atlarda rivojlanib kelayotgan kompaniyalar guruhi hisoblanadi. Hozirda Havas Holding o‘z faoliyatini to‘rt yo‘nalishda amalga oshiradi — riteyl, development, qishloq xo‘jalik mahsulotlarini yetishtirish va FMCG-tovarlar distributsiyasi. Xolding korxonalarida 4000 dan ziyod xodimlar mehnat qiladi. Havas Holding faoliyat ko‘rsatgan yillar davomida o‘zini ishonchli va barqaror kompaniyalar guruhi sifatida namoyon qilib, yirik xalqaro hamkorlarning ishonchini qozonishga erishdi.
Shu yilning 4-5-fevral kunlari Havas Holding vakillari O‘zbekiston Respublikasi Prezidenti Sh.M. Mirziyoevning Malayziyaga rasmiy tashrifi doirasida Kuala-Lumpur shahrida o‘tkazilgan biznes-forumda ishtirok etdilar.
Mazkur biznes-forum davomida Havas Holding va Malayziyaning yirik kompaniyalari o‘rtasida qator salmoqli bitimlar tuzildi.
Xususan, Mydin gipermarketlar yirik tarmog‘i bilan umumiy qiymati 100 mln dollarga teng muhim hamkorlik bitimi imzolandi. Tomonlar o‘rtasidagi kelishuvga binoan, Havas Holding va Mydin xalq iste’moli tovarlari va qishloq xo‘jaligi mahsulotlari savdosini amalga oshiradi.
Bu orada Sri Ternak Mart supermarketlar tarmog‘i bilan tuzilgan 50 mln dollarlik ikki tomonlama kelishuv ham kompaniyalarning savdo sohasidagi o‘zaro hamkorligini nazarda tutadi.
Havas Holding va Malayziyadagi Drazu International korxonasi o‘rtasida hamkorlik to‘g‘risidagi bitim imzolandi, shuningdek, KK Mart tarmog‘i bilan ham istiqbolli hamkorlik qilish kutilmoqda.
Shu bilan birga, Malayziyadagi eng yirik qahvaxona tarmoqlaridan biri sanalgan Richiamo Coffee bilan 20 mln dollarlik bitim imzolandi. Kelishuvlar O‘zbekistonda qahva bozorini rivojlantirish hamda Richiamo Coffee brendi ostida franchayzing qahvaxonalari ochilishini nazarda tutadi.
O‘zbekiston va Malayziya o‘rtasida tashkil etilgan biznes-forum maydonida O‘zbekistonda Havas Holding bilan hamkorlik doirasida 100 dan ortiq yoqilg‘i quyish shoxobchalarini barpo etishni rejalashtirgan Malayziyaning FIVE Petroleum yoqilg‘i quyish shoxobchalari tarmog‘i bilan hamkorlikni yo‘lga qo‘yish istiqbollari muhokama qilindi.
Rasmiy tashrif chog‘ida Havas Holding vakillari yarim o‘tkazgichlar va mikrosxemalarni ishlab chiqarish sohasida tajriba almashish uchun MIMOS zavodi hamda Paxang shahridagi tayyor go‘shtli taomlarni ishlab chiqishga ixtisoslashgan YP Heaven zavodiga ham tashrif buyurdilar.
Shu asnoda, Havas Holding O‘zbekistonning boshqa mamlakatlar bilan savdo-iqtisodiy aloqalarini rivojlantirishga qaratilgan xalqaro hamkorlikka doir faoliyatini yanada takomillashtirishda davom etadi.
Reklama huquqi asosida.
Izoh (0)