Futbol bo‘yicha Angliya Liga Kubogi yarim finalining javob o‘yini yakunlandi. Unda “Liverpul” va “Tottenhem” jamoalari o‘zaro to‘qnash keldi.
Uchrashuv Liverpul shahrida joylashgan Enfild stadionida bo‘lib o‘tdi. O‘yin mezbonlarning 4:0 hisobidagi yirik g‘alabasi bilan yakunlandi.
Uchrashuvning 34-daqiqasida “Liverpul” hujumchisi Kodi Gakpo hisobni ochdi. 51-daqiqada mersisaydliklar vingeri Muhammad Saloh 11 metrlik jarima zarbasini aniq amalga oshirib, jamoasining ustunligini mustahkamladi. 75-daqiqada mezbonlarning yarim himoyachisi Dominik Soboslai hisobni yirik ko‘rinishga olib keldi. O‘yinning so‘ngida mersisaydliklar himoyachisi Virjil van Deyk jamoasining to‘rtinchi golini urdi.
“Liverpul” va “Tottenhem” o‘rtasidagi birinchi o‘yin 8-yanvar kuni bo‘lib o‘tgan edi. Unda londonliklar 1:0 hisobida g‘alaba qozongan. “Tottenhem”ning yagona goliga yarim himoyachi Lukas Bergvall mualliflik qilgan edi.
Arne Slot shogirdlari bosh sovrin uchun kurashda yarim finalda “Arsenal”ni mag‘lubiyatga uchratgan “Nyukasl” bilan to‘qnash keladi.
Ma’lumot uchun, “Liverpul” ushbu turnirning amaldagi g‘olibi hisoblanadi. O‘tgan mavsum Liga Kubogi finalida mersisaydliklar “Chelsi”ni 1:0 hisobida mag‘lubiyatga uchratgan edi.
Angliya Liga Kubogi
Yarim final bahsi
“Liverpul” — “Tottenhem” 4:0
6-fevral, payshanba
Gollar: 1:0 — Gakpo (34), 2:0 — Saloh (51, penalti), 3:0 — Soboslai (75), 4:0 — van Deyk (80).
“Liverpul”: Kelleher, Robertson, van Deyk (Kuansa, 87), Konate, Bredli, Jons (Mak Allister, 72), Gravenberh, Soboslai, Gakpo (Dias, 82), Saloh (Elliot, 82), Nunes (Jota, 72).
“Tottenhem”: Kinski, Spens, Devis (Mur, 82), Danzo, Grey, Sarr (Bergvall, 57), Bentankur, Bissuma (Porro, 57), Kulusevski, Son, Risharlison (Tel, 45+1).
Birinchi o‘yin — 0:1.
Izoh (0)