O‘zbekistonda Malayziya, Janubiy Koreya va Misr aviakompaniyalarining muntazam parvozlariga ruxsat berildi. Bu haqda “O‘zaviatsiya” agentligi xabar bermoqda.
O‘zbekiston va Malayziya o‘rtasida havo qatnovi to‘g‘risidagi hukumatlararo bitimga asosan 2025-yil 3-fevralda Air Asia X Berhad aviakompaniyasiga O‘zbekistonga Kuala-Lumpur—Toshkent—Kuala-Lumpur yo‘nalishida muntazam aviaqatnovlarini amalga oshirish ruxsatnomasi rasmiylashtirdi.
Shu kuni Janubiy Koreyaning T’way Air aviakompaniyasiga O‘zbekiston va Koreya Respublikasi o‘rtasida havo qatnovi to‘g‘risidagi hukumatlararo bitimga asosan Seul—Toshkent—Seul yo‘nalishida muntazam aviaqatnovlarni amalga oshirish ruxsatnomasi rasmiylashtirib berildi.
Har ikki aviakompaniya parvozlarni A330 samolyotlarida amalga oshiradi.
4-fevralda O‘zbekiston va Misr o‘rtasida havo qatnovi to‘g‘risidagi hukumatlararo bitimga asosan Red Sea Airlines aviakompaniyasiga Sharm-ash-Shayx—Toshkent—Sharm-ash-Shayx yo‘nalishida muntazam aviaqatnovlarini amalga oshirish ruxsatnomasi rasmiylashtirildi.
Parvozlar В737 samolyotlarida amalga oshiriladi.
Izoh (0)