UFC prezidenti Dana Uayt promoushendan ketmoqchi emasligini ma’lum qildi.
“Ko‘p pul ishlayotganingizda atrofingizda hamma narsa o‘zgaradi. Hayotning qaysi sohasida ishlashingizdan qat’i nazar, ma’lum bir muvaffaqiyat darajasiga yetganingizda, har kuni rivojlanishda davom etish uchun siz o‘zgacha inson bo‘lishingiz kerak.
Kompaniyamizni 2016-yilda sotganimizda, odamlarning 99 foizi meni nafaqaga chiqadi deb o‘ylagan. Ammo men bunday odam emasman. Hali ham yangi brendlar yaratishda davom etyapman va majburiyatimda bo‘lmagan ishlarni bajaryapman, chunki bu menga yoqadi.
Men hech qachon nafaqaga chiqmayman. Hech qachon. O‘lgunimcha shu ishda davom ettiraman, dedi Uayt MMA Mania portaliga.
Ma’lumot uchun, Dana Uayt 1969-yilda tug‘ilgan. 2019-yilda u UFC bilan 7 yillik shartnomaga imzo chekkan.
Izoh (0)