Ukraina prezidentining kommunikatsiyalar bo‘yicha maslahatchisi Dmitriy Litvin AQSH maxsus vakili Kit Kellogganing mamlakatda yil oxirigacha saylov o‘tkazish chaqirig‘iga qarshi chiqdi. Bu haqda Deutsche Welle xabar berdi.
Kellogga Ukrainada 2025-yil oxirigacha parlament va prezidentlik saylovlarini o‘tkazishga chaqirgandi.
Biz janob Kelloggning to‘liq intervyusini ko‘rmadik, faqat saylovlar haqidagi bir nechta iqtiboslarni ko‘rdik, shuning uchun uning pozitsiyasini to‘liq baholash qiyin. Ammo uning rejasi faqat o‘t ochishni to‘xtatish va saylov bo‘lsa, bu muvaffaqiyatsiz reja — Putinni faqat shu ikki narsa bilan qo‘rqitib bo‘lmaydi, dedi u.
Litvinning so‘zlariga ko‘ra, Moskva “raketa va o‘q-dorilar ishlab chiqarishni ko‘paytirishda, sanksiyalarni chetlab o‘tishning yangi usullarini topishda va neftdan pul ishlashda davom etmoqdal.
Shubhasiz, bu qurollarning barchasi demokratik qo‘shnilarni hurmat qilish uchun yaratilmagan. Rossiyaning Shimoliy Koreya bilan harbiy ittifoqi o‘t ochishni to‘xtatishni hurmat qilishi bilan bog‘liq emas. Shuning uchun biz, albatta, asosiy hamkorlarning rasmiy vakillari tomonidan chuqurroq yondashuvni ko‘rishni afzal ko‘ramiz, dedi Zelenskiyni maslahatchisi.
Ukrainada navbatdagi prezidentlik saylovi 2024-yil 31-mart kuni o‘tkazilishi kerak edi. Mamlakatdagi harbiy holat tufayli ular o‘tkazilmadi. Ukraina Konstitutsiyasi harbiy holat paytida prezidentlik saylovlarini o‘tkazishni to‘g‘ridan to‘g‘ri taqiqlamaydi. Biroq bunday taqiq “Harbiy holatning huquqiy rejimi to‘g‘risida”gi qonun darajasida belgilangan.
Rossiya prezidenti Vladimir Putin bir necha bor muzokaralar “qonuniyligini yo‘qotgan” Ukraina davlat rahbari bilan o‘tkazilmasligini da’vo qilgandi. Chunki Putinning fikricha, Vladimir Zelenskiy “noqonuniyligi tufayli hech narsa imzolashga haqli emas”.
Izoh (0)