Bu hafta hayotingizning qaysi jihatlari e’tibor talab qilishini, shaxsiy hamda kasbiy sohalarda uyg‘unlik va muvaffaqiyatga erishish uchun koinot energiyasidan qanday foydalanishni bilib oling.
Qo‘y (21-mart – 19-aprel)
Muvaffaqiyatingiz tez o‘rganish va o‘rganganlaringizni amalda qo‘llash qobiliyatingizga bog‘liq bo‘ladi. Atrofdagilarning fikriga e’tiborli bo‘ling. O‘tmishga bog‘lanmasdan, qobiliyatingizga yangi yo‘nalish topishga harakat qiling. Diplomatiklik va sabr-toqat kabi sifatlarni rivojlantiring. Do‘stingiz yoki yaqin kishilaringiz sizni xafa qilishi mumkin.
Buzoq (20-aprel – 20-may)
Ishlaringiz ancha barqaror bo‘ladi — jismoniy va ruhiy dam olishdan zavqlaning. Bu hafta yaxshi kayfiyatda bo‘lib, ko‘plarga yordam bera olasiz. Payshanba kuni ishdagi bosimni kamaytirishga harakat qiling, chunki hissiy jihatdan charchab qolishingiz mumkin. Faqat o‘z kuchlaringizga tayaning, hamkasblaringizga qattiq ishonmang.
Egizaklar (21-may – 20-iyun)
Bu hafta hamma narsa rejalaringizga muvofiq bo‘ladi. Irodangiz kuchayadi, o‘z fikringizda qat’iyatli bo‘lish osonlashadi. Keraksiz ishlarga chalg‘imang, vaqtingizni shaxsiy hayotingizga sarflang. Seshanba kuni kelayotgan ma’lumotlarga e’tiborli bo‘ling, shunda kerakli joyda va kerakli vaqtda bo‘lasiz. Payshanba kuni sevgi va oilangizda yoqimli o‘zgarishlar bo‘lishi mumkin. Dam olish kunlarini yolg‘iz o‘tkazish foydali bo‘ladi.
Qisqichbaqa (21-iyun – 22-iyul)
Bu hafta ishdagi hamkorlar bilan muammolar yuzaga kelishi mumkin, ammo ma’qul bir kelishuv topish ehtimoli bor. Rejalaringizni amalga oshiring. Notanishlar bilan muloqotda ehtiyot bo‘ling. Do‘stlar tomonidan yordam kutishingiz mumkin. Chorshanba kuni qiziqarli ish taklifi bo‘lishi mumkin. Juma kuni sayohatlar uchun yaxshi vaqt.
Arslon (23-iyul – 22-avgust)
Boshqa rejalar ustida ishlashda imkoniyatlaringizni to‘g‘ri baholashni unutmaslik kerak. Aks holda, hissiyotlar sizni noto‘g‘ri yo‘lga boshlashi mumkin. O‘rtaga tashlangan har qanday xatolarning salbiy oqibatlari juda sezilarli bo‘ladi. Imkoniyatlar bo‘lsa, ehtiyotkorlik, diqqatlilik, diplomatiya va aniqlikni saqlang. Haftaning o‘rtalarida sizni ish bilan bog‘liq muammolar kutmoqda. His-tuyg‘ularingizni boshqalarga to‘kib solmang. Dam olish kunlarini faqatgina sizga yaqin kishilar bilan o‘tkazing.
Sunbula (23-avgust – 22-sentyabr)
Sabr-toqatli bo‘ling, aks holda ishdagi hamkorlaringiz turli mojarolarni boshlashlari mumkin. Shu bilan birga, muhim munosabatlar qayta tiklanishi mumkin. Tasodifiy uchrashuvlar shaxsiy hayotingizda yangi imkoniyatlar ochadi. Asosiy maqsad — ota-onangiz bilan munosabatlarni murakkablashtirmaslikka harakat qiling.
Tarozi (23-sentyabr – 22-oktyabr)
Bu hafta oila va uyga doir masalalar muhim bo‘ladi. E’tiborli bo‘ling, barcha o‘zgarishlar foydali, lekin ularni bir oz cheklash kerak. Uyingizdagi narsalarni yangilashda boshqalarning fikrlarini ham hisobga olishni unutmang. Shanba kuni ijodiy fikrlar sizni hayratga solishi mumkin, ularni amalga oshirishga harakat qiling.
Chayon (23-oktyabr – 21-noyabr)
Hamma narsada ijobiy tomonlarni ko‘rishga harakat qiling, shunda hayotingiz yaxshilanadi. Ishda sizni qulay va ijodiy atmosfera kutmoqda. Har narsani minimal kuch va xarajatlar bilan amalga oshirish imkoniyati bo‘ladi. Juma kuni yaxshi yangiliklar va moliyaviy daromadlarni kutish mumkin. Ishdagi shiddatni hisobga olgan holda, yaqinlaringizni unutmaslik va ularga e’tibor berish zarur.
O‘qotar (22-noyabr – 21-dekabr)
Tez orada daromad olishni va’da qilgan takliflarga ehtiyot bo‘ling, chunki bu asosiy ishdagi munosabatlarga zarar yetkazishi mumkin. Seshanba kuni qobiliyatingizni ko‘rsatishga imkoniyat topasiz, bu imkoniyatni qo‘ldan boy bermang. Tezda natijaga erishishga urinish o‘rniga, ishonchli va tekshirilgan usullar bilan asta-sekin maqsadingizga intiling. Dam olish kunlarini uy ishlarini hal qilishga bag‘ishlang.
Tog‘ echkisi (22-dekabr – 20-yanvar)
Vaziyatni murakkablashtirmaslikka harakat qiling. Bu hafta ko‘plab narsalardan voz kechishingiz mumkin. Yangi ish yoki boshqa joyga ko‘chish ehtimoli bor. To‘g‘rilik va maqsadga intilish sizga muvaffaqiyat keltiradi. Shanba kuni oilaviy masalalarini hal qilish uchun eng qulay vaqt.
Qovg‘a (21-yanvar – 18-fevral)
Har qanday sharoitda xotirjamlikni saqlashga harakat qiling, his-tuyg‘ularingizga berilmang. Boshqalarining zaifliklariga e’tibor bermang, shubhali loyihalarga qo‘shilmang. Bu hafta eski hamkorlar bilan munosabatlar yaxshilanadi va bu sizga ishda va shaxsiy hayotingizda sezilarli o‘zgarishlar olib keladi. Dam olish kunlarida ishni unuting va do‘stlaringiz bilan vaqt o‘tkazing.
Baliq (19-fevral – 20-mart)
Bu hafta uzoq vaqtdan beri orzu qilgan rejalaringizni amalga oshirganingizdan so‘ng, yangi maqsad sari qadam bosing. O‘zingizning va boshqalarining muammolarini bir vaqtning o‘zida hal qilishga harakat qilmang. Maqsadlaringizni to‘g‘ri belgilab oling.
Izoh (0)