Rossiya armiyasi Odessa markaziga raketa zarbalari berdi. Shaharning UNESCO tomonidan himoyalanadigan markazida joylashgan tarixiy binolar aviahujumlar oqibatida jiddiy zarar ko‘rdi. Dastlabki ma’lumotlarga ko‘ra, Rossiya havo hujumidan mudofaa vositalari bilan tutib olish qiyin bo‘lgan Iskander tipidagi ballistik raketalardan foydalangan.
Ukraina prezidenti Vladimir Zelenskiy ushbu hujum mamlakatning havo mudofaasini kuchaytirish zarurligini yana bir bor ko‘rsatib berganini ta’kidladi. So‘ngi ma’lumotlarga ko‘ra, hujumlar oqibatida 4 kishi halok bo‘lgan.
Odessa viloyati hokimi Oleg Kiper bombardimon oqibatida yetti kishi jarohatlanganini va hodisa joyida qutqaruv xizmatlari ishni davom ettirayotganini ma’lum qildi.
-U0yHXro_.jpg)
OAVlarda e’lon qilgan suratlarda XIX asrga tegishli me’moriy yodgorlik hisoblangan Bristol mehmonxonasining vestibyuli va boshqa qismlari vayron bo‘lganini ko‘rish mumkin.
Mehmonxona qarshisida joylashgan Odessa filarmoniyasi konsert zali ham shikastlangan — bino oynalari sinib ketgan. Mazkur hududdagi muzeylar ham zarar ko‘rgan.
-40hpFeA2.jpg)
Kiper portlashlar oraliq bilan uch marta sodir bo‘lganini ta’kidladi. Uning so‘zlariga ko‘ra, bu Rossiya armiyasining bir xil nishonga takroriy zarba berish bo‘yicha “ishlab chiqilgan puxta taktikasi”dir.
Bu safar betonni teshib o‘tishga qodir raketa ishlatilgan, dedi u.
Viloyat hokimining ta’kidlashicha, hujumning maqsadi fuqarolik mehmonxonasi bo‘lgan. Unga ichki to‘siqlar va inshootlarni buzish maqsadida zarba berilgan, bu esa jiddiy shikastlanishlar va, albatta, hujum paytida u yerda bo‘lgan odamlar orasida qurbonlar bo‘lishiga olib kelgan.
Ukraina yetakchisi o‘zining videomurojaatida hujum “to‘g‘ridan-to‘g‘ri shaharga, oddiy fuqarolar binolariga” qaratilganini aytdi.
Havo hujumidan himoyalanish yana bir bor eng ustuvor vazifa bo‘lib qolmoqda. Biz mamlakatimizni yaxshiroq himoya qilish uchun barcha hamkorlarimiz bilan ishlayapmiz, deb ta’kidladi u.
Izoh (0)