Salamanka universiteti 22 karra Katta dubulg‘a musobaqalari chempioni Rafael Nadalga faxriy doktor unvonini berdi.
El Pais nashriga ko‘ra, Nadalning ushbu unvonni qo‘lga kiritishi universitet tarixidagi eng ziddiyatli holat bo‘ldi. Kengash a’zolarining 34 foizi (268 nafardan 91 nafari) uning nomzodiga qarshi ovoz bergan. Odatda, nomzodlar doim qo‘llab quvvatlangan.
Tanqidchilarning fikricha, ispaniyalik sportchini Salamanka universiteti bilan hech narsa bog‘lamaydi. Nadal vaqti-vaqti bilan oliy ta’lim muassasasiga moliyaviy yordam berib turadi, ammo olimlar unga doktorlik unvoni uchun buni yetarli sabab deb hisoblamaydi.
Bundan tashqari, tennischining nomzodini ovoz berish uchun ilgari surgan rektor Xose Manuel Korchado aynan shu yo‘l bilan OAV e’tiborini tortib, o‘z obro‘sini oshirib olishga harakat qilayotgani haqida ham taxminlar mavjud.
Ma’lumot uchun, 2015-yilda Nadal Madrid universitetining faxriy doktori bo‘lgan.
Izoh (0)