“Fenerbahche” bosh murabbiyi Joze Mourinyo jamoasining Yevropa Ligasi umumiy bosqichidagi ishtiroki haqida fikr bildirdi.
“Boshlanishidanoq hamma narsa bizga qarshi edi. Turnirning yangi formati murakkab bo‘ldi. Qur’a ham noqulay tushdi. Ferdi so‘nggi lahzada safdan chiqqanidan keyin biz o‘rniga boshqa futbolchini qo‘shishga ulgurmadik. Yangi futbolchilarni ro‘yxatga kiritishga ham vaqt yetmadi. Ro‘yxatga kiritilgan futbolchilar jarohatlandi, kiritilmaganlari esa yaxshi formada edi. Ba’zi futbolchilar diskvalifikatsiya qilindi. Mert Myuldyur o‘yindan tashqari holatda jarohat oldi. Amrabat va Osayi sariq kartochkalar limiti sababli o‘yinni o‘tkazib yubordi.
Natijada biz bor-yo‘g‘i 13 futbolchi bilan keldik, lekin maydonga tushganlarning barchasi ajoyib ish qildi. Men ular bilan juda faxrlanaman. Aytdim va yana takrorlayman: muxlislar ham jamoa bilan faxrlanishi kerak” dedi Mourinyo klubning rasmiy sayti orqali.
Ma’lumot uchun, “Fenerbahche” umumiy guruh bosqichi yakunda 24-o‘rinni egalladi va Yevropa Ligasi pley-off bosqichida ishtirok etadi. Turkiya klubining raqibi bugun, 31-yanvar kuni bo‘lib o‘tadigan qur’adan so‘ng ma’lum bo‘ladi.
Izoh (0)