Markaziy bank xorijiy valyutalarning o‘zbek so‘miga nisbatan 2025-yil 31-yanvarda amalda bo‘ladigan qiymatini eʼlon qildi.
Unga ko‘ra:
- dollar 11,33 so‘mga pastlab, 12 957, 01 so‘m bo‘ldi;
- yevro 6,60 so‘mga tushib, 13 485,66 so‘m bo‘ldi;
- rubl 0,19 so‘mga pastlab, 132,13 so‘mni tashkil etdi.
Bundan avval dollar kursi 6,64 so‘mga pastlab, 12 968 34 so‘m bo‘lgandi.
Markaziy bank raisi Timur Ishmetovning ma’lum qilishicha, 2025-yilda nominal valyuta kursida keskin o‘zgarish bo‘lishi kutilmayapti. 2024-yilda so‘m dollarga nisbatan 4,7 foiz qadrsizlangan. 2023-yilda so‘m AQSH valyutasiga nisbatan 9,7 foizga, 2022-yilda 3,94 foizga zaiflashgandi.
O‘zbekistonda pul jamg‘arishga qodir odam borki, topgan-tutganini AQSH valyutasida saqlashga harakat qiladi. Uy, mashina yoki boshqa qimmatroq mahsulotlar savdosi ham dollarda. Bugungi kunda so‘mdan o‘n yil oldingidan ko‘ra ko‘p foydalanayotgan bo‘lsak-da, baribir aholida milliy valyuta barqarorligiga ishonch u qadar yuqori emas. “Daryo”ga obuna bo‘lib, quyidagi havola orqali ayni masala tahlil qilingan maqolani o‘qishingiz mumkin.
Izoh (0)