O‘zbekistonda 2024-yilda “Quyoshli xonadon” dasturi doirasida fuqarolarga 12 milliard so‘mdan ortiq subsidiya berildi. Bu haqda Soliq qo‘mitasi xabar berdi.
2023-yil 1-apreldan “Quyoshli xonadon” dasturi doirasida xonadoniga quyosh panellarini o‘rnatgan jismoniy shaxslarga quyosh paneli orqali ishlab chiqarilgan va yagona elektr energetika tizimiga uzatilgan elektr energiyasining har bir kilovatt soati uchun 1000 so‘mdan subsidiya ajratilishi belgilangan.
2024-yilda 10 826 nafar jismoniy shaxs ushbu dasturdan foydalanib, elektr tarmoqlariga o‘tkazilgan quyosh energiyasi uchun davlat budjetidan 12 milliard 182 million so‘m (12 million 182 ming 090 kVt/soat) subsidiya oldi.
Subsidiyaning eng katta qismi quyidagi hududlarga to‘g‘ri kelmoqda:
- Xorazm viloyati — 2,8 milliard so‘m;
- Qoraqalpog‘iston Respublikasi — 1,9 milliard so‘m;
- Toshkent shahri — 1,4 milliard so‘m.
Subsidiyani “Soliq” mobil ilovasining “Keshbek va imtiyozlar” xizmatining “Quyoshli xonadon” bo‘limidagi “Kartaga pul o‘tkazish” oynasi orqali bank kartasiga o‘tkazib olish mumkin.
Izoh (0)