Olimlar tolalariga o‘rnatilgan nanozarrachalar tufayli quyosh nuri ta’sirida qiziy oladigan innovatsion mato ishlab chiqdi. Uning metall isitish elementlaridan foydalanadigan va tashqi quvvat manbayini talab qiladigan boshqa matolardan farqi shundaki, ushbu mato mustaqil ravishda issiqlik beradi va ortiqcha qizib ketmaydi.
Vaterlou universiteti mutaxassislari tomonidan ishlab chiqilgan material ichida o‘tkazuvchan polimer nanozarralari bo‘lib, ular 10 daqiqada quyosh nuri ta’sirida 30 darajagacha qizishga qodir. Bundan tashqari, mato rangi haroratga qarab o‘zgaradi, bu esa foydalanuvchiga uni vizual ravishda kuzatish imkonini beradi.
Ixtiro mualliflaridan biri Yuning Li matoning isitish prinsipi haqida ma’lumot berdi:
“Nanozarrachalar quyosh nuri ta’sirida faollashadi, ular nurlardan keladigan issiqlikni isituvchi elementlarga aylantiradi va uzoq vaqtga saqlab qoladi”.
Ushbu mato juda chidamli bo‘lib, asl uzunligidan besh baravar cho‘zila oladi hamda 24 martagacha yuvganda ham o‘z xususiyatlarini yo‘qotmay qoladi. Mato rangining haroratga qarab o‘zgarishi qo‘shimcha xavfsizlikni ta’minlaydi va qizib ketishning oldini olishga yordam beradi.
“Biz uning chidamli bo‘lishiga alohida e’tibor qaratdik. Nanozarrachalardan iborat mato atrof-muhitning tashqi ta’siriga qaramay o‘zining noyob xususiyatlarini saqlab qoladi”, deya qo‘shimcha qildi Li.
Tadqiqotchilar polidopamin polimerining arzonroq analoglarini ko‘rib chiqish hamda isituvchi xususiyatli materialni ishlab chiqarish xarajatlarini kamaytirish ustida ishlashda davom etmoqdalar. U sovuq mavsumda qutqaruv operatsiyalarida yoki qishda qo‘shimcha issiqlikka muhtoj bo‘lgan uy hayvonlari kiyim-kechaklarida qo‘llanishi mumkin.
Izoh (0)