Davronbek Sattorov Andijon viloyati hokimining turizm, madaniyat, madaniy meros va ommaviy kommunikatsiyalar masalalari bo‘yicha o‘rinbosari etib tayinlandi. Bu haqda viloyat hokimligi matbuot xizmati xabar berdi.
Tayinlovga qadar u Paxtaobod tumani hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari vazifasida faoliyat olib borgan.
Andijon viloyati hokimining turizm, sport, madaniyat, madaniy meros va ommaviy kommunikatsiyalar masalalari bo‘yicha o‘rinbosari lavozimida 2024-yil 15-yanvardan buyon Jasurbek Parpiyev ishlab kelayotgandi. Undan avval bu lavozimda Azizxon Mahsumov faoliyat yuritgan.
24-yanvar kuni Ulug‘bek Rahimov Andijon viloyati hokimining qishloq va suv xo‘jaligi masalalari bo‘yicha o‘rinbosari — viloyat qishloq xo‘jaligi boshqarmasi boshlig‘i vazifasini bajaruvchi etib tayinlangandi. Ushbu lavozimda ishlab kelgan Avazbek Ergashev 2024-yilning 27-dekabrida vafot etgandi.
Izoh (0)