Rossiya harbiylari uchun yaqin orada urushga Xitoyning beshta zirhli Changan pikaplari yuboriladi. Bu haqda Checheniston rahbari Ramzan Qodirov ma’lum qildi.
“Mashinalar sifatli, o‘tkazuvchanligi yuqori, ularning zirhlanishi V4 standartiga mos keladi”, deyiladi xabarda.
Qodirov avtomobillarni Checheniston hukumati rahbari o‘rinbosari — qishloq xo‘jaligi vaziri Vishan Matsuyev sotib olganini aytdi.
“U avvalroq Rossiya bo‘linmalariga avtotransport, dron va harbiy anjomlar jo‘natgan”, dedi Checheniston rahbari.
2024-yil oktyabr oyida Qodirov “Rossiya uchun xalq fronti” harakatiga harbiy operatsiya ehtiyojlari uchun 100 ta “jihod mashinasi” bergandi. Texnika Chechenistonning Gudermets shahridagi Rossiya maxsus kuchlari universiteti bazasida tayyorgarlikdan o‘tgan.
Qodirov ishlab chiqishda texnik talablar ham, “urushdagi jangchilar istagi” ham hisobga olinganini aytgandi. Bundan tashqari, Checheniston rahbari urushga 78 ta UAZ “Patriot”, UAZ-452 va “Niva” avtomobillari yuborilishini ma’lum qilgan.
Izoh (0)