Ijodkorlar ular xoh mashhur yozuvchilar, xoh kinossenariy mualliflari bo‘lsin, xalqqa ko‘plab xarizmatik obraz va qahramonlarni taqdim etganlar. Ammo ularning ko‘pchiligining orqasida muallif uchun ilhom bo‘lgan haqiqiy insonlar borligini bilarmidingiz?
Roza Dyuitt Byukeyter — Beatris Vud
Jeyms Kemeronning mashhur filmida Jek kabi xayoliy qahramonlar ham, cho‘kmas Molli kabi tarixiy shaxslar ham mavjud. “Titanik” yo‘lovchilari orasida prototipi bo‘lmasa-da, o‘sha davr prototipi bo‘lgan qahramon ham bor. Gap Rouz haqida ketyapti.
Ushbu qahramon rassom va haykaltarosh Beatris Vuddan ilhomlanilgan bo‘lib, uning tarjimayi holi rejissyorda katta taassurot qoldirgan. “Beatris — Rouzning fe’l-atvoridagi soxta tuyulishi mumkin bo‘lgan xususiyatlar aslida bo‘lishi mumkinligining isboti”, deb eslaydi Kemeron.
Indiana Jons — Roy Chapman Endryus
Garchi Indiana Jons haqidagi film ijodkorlari personaj arxeolog Roy Chepmen Endryusga asoslanganligini hech qachon ta’kidlamagan bo‘lsalar-da, franshizaning eng sinchkov muxlislari, shuningdek, tajribali jurnalistlar izlanishlari orqali buning ehtimoli juda katta ekanligini aniqlashgan.
O‘tgan asr boshlarida Endryus Xitoy va Mongoliyaga bo‘lgan bir qator ekspeditsiyalarga rahbarlik qilgan, shuningdek, Amerikaga dinozavrlarning birinchi qazilma tuxumlarini olib kelgan. U sarguzashtlari haqida kitoblar yozgan, ular o‘z davrida juda mashhur bo‘lgan.
Jordan Beyker — Edit Kammings
“Buyuk Getsbi” asaridagi qahramonlardan biri Jordan Beykerning prototipi bo‘lgan. Bu ajoyib qiz obrazi Fitsjerald tomonidan havaskor golfchi Edit Kammingsga asoslangan edi. U 1923-yilda ayollar turnirida g‘olib bo‘lgach, AQSHda katta shuhrat qozongan. Edit, shuningdek, Time jurnalining muqovasida paydo bo‘lgan birinchi sportchi hisoblanadi.
Xarli Kvinn — Arlin Sorkin
Xarli Kvinn ismli qahramon “Betmen” animatsion serialida bor-yo‘g‘i birgina epizodda chiqishi kerak edi, ammo u tomoshabinlarga shu qadar yoqib qoladiki, natijada franshizaning asosiy antagonistlaridan biriga aylandi.
Qahramon esa shunday “tug‘ilgan”: komikslar muallifi Pol Dini ekranda kollejdagi do‘sti Arlin Sorkinni masxaraboz obrazida ko‘radi. Uning qiyofasi ijodkorni zukko va g‘ayratli Xarlini yaratishga ilhomlantiradi. Shuningdek, Dini Sorkinni qahramonga ovoz berishga taklif qilgan.
Malefisenta — Elinor Odli
“Malefisenta” filmining prototipi aktrisa Eleanor Odli bo‘lgan. Disney animatorlari johilona ko‘rinishidagi sehrgarni yaratishda uning tashqi ko‘rinishidan ilhomlangan. Gap shundaki, Eleonora 1940-1950-yillarda kuchli, sovuqqon, shafqatsiz ko‘rinishi va aristokrat ayollar rollarini ijro etishi bilan mashhur bo‘lgan. Odli “Malefisenta” multfilmiga ovoz ham bergan.
Rokki Balboa — Rokko Frensis Markejian
Kino bokschi Rokki o‘zining jang uslubini, hatto ismini ham haqiqiy amerikalik bokschi Rokki Marsianodan olgan. U 1947-yildan 1955-yilgacha musobaqalarda qatnashgan va shu kungacha karyerasini mag‘lubiyatsiz yakunlagan yagona og‘ir vaznli champion bo‘lib qolmoqda. Rokki Balboa qahramonining tashqi xususiyatlari prototip bilan o‘xshash bo‘lsa-da, ularning hikoyalari mutlaqo boshqacha.
Skarlett OXara — Meri Boykin Chesnat
Margaret Mitchellning ta’kidlashicha, “Shamollarda qolgan hislarim” filmidagi qahramonlarning prototiplari yo‘q, ammo uning ijodini o‘rganuvchilar Skarlettda haqiqiy ayollarning xususiyatlarini topdi.
Misol uchun, Klemson universitetida o‘tkazilgan tadqiqotda Skarlett prototipi katta ehtimol bilan yozuvchi Meri Boykin Chesnut bo‘lishi mumkinligini ko‘rsatdi, uning xarakteri va hayot yo‘li O’Xara xonimning shaxsiyati va taqdiri bilan juda yaqin bo‘lgan. Asar muallifining so‘zlariga ko‘ra, Skarlettning “kelib chiqishi” haqidagi boshqa hech bir nazariya bunchalik ko‘p dalillarga ega emas. Ammo, ma’lumki, yozuvchining eri “Shamollarda qolgan hislarim” romanining barcha qoralamalarini yo‘q qilgan, shuning uchun tadqiqotni davom ettirishning iloji yo‘q.
Izoh (0)