Qirg‘izistonda deputat Baqitbek Maripov smog va tirbandlikka qarshi kurashish uchun poytaxtni ko‘chirishni taklif qildi. U tegishli taklifni Jogorku Kenesh yig‘ilishida ilgari surdi. Bu haqda 24.kg xabar berdi.
U hatto Bishkekni ikki nafar mer boshqarsa ham, u poytaxtdagi smog va tirbandlik muammosini hal qila olmasligini ta’kidladi.
Issiqko‘l viloyatida Asman shahri qurilmoqda. Bunga 10 milliard dollar investitsiya jalb qilinmoqda. Bishkekdan temiryo‘lni ko‘chirish uchun esa 550 million dollar kerak bo‘ladi. Aylanma yo‘l qurilishi bilan birga esa bu summa 1 milliard dollardan oshib ketadi”, dedi xalq vakili.
Shu sababli deputat Bishkekni ko‘chirish va u yerga Vazirlar Mahkamasini jo‘natish kerakligini aytdi. Shunda Baqitbek Maripov tirbandlik bo‘lmasligini qayd etdi.
Tabiiy resurslar, ekologiya va texnik nazorat vaziri Meder Mashiyevga ko‘ra, mamlakatda 85 foiz avtomobillarda katalizator yo‘q, poytaxt atrofida uy-joy massivlari sonining ko‘payishi, tartibsiz, rejasiz qurilishlar va daraxtlarning kesilishi smogning kelib chiqishiga sabab bo‘lmoqda.
Izoh (0)