Ukrainaning Xarkov viloyati mudofaasiga javobar bo‘lgan ikki general va bir nafar polkovnik hibsga olindi. Bu haqda Ukraina Xavfsizlik xizmati va Davlat tergov byurosi xabar berdi.
Ular harbiy holat sharoitida harbiy xizmatga sovuqqonlik bilan munosabatda bo‘lganlikda ayblanmoqda. Hibsga olinganlarning ismi rasmiy ma’lumotlarda ko‘rsatilmagan. Faqat ularning lavozimlari va unvonlari haqida ma’lumot beriladi.
Gap brigada generali Yuriy Galushkin, general-leytenant Artur Gorbenko va polkovnik Ilya Lapin haqida ketayotgan bo‘lishi mumkin, deb yozmoqda “Ukraina haqiqati” nashri.
Tergov ma’lumotlariga ko‘ra, “komandirlarning harakatlari shaxsiy tarkib va qurol-yarog‘larning yo‘qolishiga olib keldi” hamda 2024-yil may oyida Xarkov viloyatiga Rossiya armiyasining hujumi paytida “davlat chegarasini himoya qilish tadbirlarini buzdi”.
Hibsga olinganlar piyodalarni artilleriya va havo bilan qo‘llab-quvvatlashni to‘g‘ri tashkil etmagani, dushman qo‘shinlarining hujum harakatlari haqidagi ma’lumotlarni o‘z vaqtida qo‘l ostidagilarga yetkazmagani Rossiya armiyasiga Xarkov viloyati hududiga kirib borish va uni qisman bosib olish imkonini berdi, deb ta’kidlamoqda Ukraina xavfsizlik xizmati va Tergov byurosi.
Zelenskiy munosabati
Ukraina Qurolli kuchlarining yuqori martabali zobitlari hibsga olingani haqida Ukraina prezidenti Vladimir Zelenskiy ham izoh berdi.
Odamlar na maqom, na o‘tmishdagi xizmatlari qonun ustuvorligini bekor qilmasligini his qilishi muhim, dedi u.
Siyosatchi, Rossiya qo‘shinlari Ukraina yerlarini bosib olishga va yana Xarkovga kirishga uringan davrda brigadalarni boshqarishdagi barcha jinoiy xatolar tergov qilinishini ta’kidladi.
Izoh (0)