Xitoyning Chjuxay shahrida olomonni mashinasida qasddan bosib ketgan haydovchi Fan Veytsyu qatl qilindi. Bu haqda South China Morning Post xabar berdi.
Ayblanuvchi 23-dekabr kuni jamiyatga xavf tug‘dirgan jinoyati uchun siyosiy huquqlardan mahrum qilinib, o‘lim jazosiga hukm etilgandi. Chjuxaydagi hodisa 11-noyabr kuni kechqurun sodir bo‘lgan. Haydovchi 35 kishining hayotiga zomin bo‘lgan, 43 kishi jiddiy jarohat olgan.
62 yoshli haydovchi voqea joyidan qochib ketmoqchi bo‘lgan, biroq politsiya tomonidan qo‘lga olingan. Ayblanuvchini qatl qilish Xitoy prokuraturasi xodimlari ishtirokida amalga oshirilgan.
20-dekabr kuni tunda Germaniyaning Magdeburg shahridagi Rojdestvo yarmarkasida 50 yoshli asli saudiyalik shaxs qora rangli BMW avtomobilida katta tezlikda odamlar to’planib turgan joyga bostirib kirib, terakt sodir etgandi. Voqea oqibatida 11 kishi halok bo‘lgan, yana 200 ga yaqin kishi turli darajada jarohat olgandi.
19-noyabr kuni Xuan Ven Changde shahrining Dingcheng tumanidagi boshlang‘ich maktabga kiraverishda to‘planib turgan odamlar ustiga mashinasida borib urilgandi. Hodisa oqibatida 18 nafar maktab o‘quvchisi jarohatlangan.
Izoh (0)