Jinoyat ishlari bo‘yicha Sergeli tumani sudi tomonidan 6 yoshli bola o‘limiga sabab bo‘lgan quduqni ochiq qoldirgan mas’ulga sud hukmi o‘qildi.
Foto: “Toshkent shahar suv ta’minoti” MCHJ matbuot xizmati
Aniqlanishicha, “Kommunalchi issiqlik quvvatta’mir” MCHJning tashqi trubalarni ta’mirlash montajchisi vazifasida ishlagan U.A. temir sex maydonidagi yer ostidan o‘tgan issiqlik trubalari joylashgan quvurda uning ustki temir-beton qoplamasini olib tashlagan holda ta’mirlash ishlarini amalga oshirib, bajarilayotgan ishlarni yakuniga yetkazmasdan ochiq holatda atrofiga panjaralar o‘rnatmasdan qoldirgan.
Natijada 2024-yil 9-iyul kuni voyaga yetmagan, 2018-yilda tug‘ilgan A.A. ochiq qoldirilgan quvur ichiga tushib ketib, yuqori nafas yo‘llarining suyuqlik bilan berkilishi oqibatida issiq suyuqlikdan 100 foiz tana yuzasi kuyishi oqibatida vafot etgan.
Sud hukmi bilan ayblanuvchi Jinoyat kodeksining 258-moddasi (tog‘-kon, qurilish yoki portlatish ishlari xavfsizligi qoidalarini buzish) 2-qismi “a” bandi bilan aybli deb topilib, unga nisbatan bir muddatga mansabdorlik va moddiy javobgarlik lavozimlarida ishlash huquqidan mahrum qilish hamda ish haqining 15 foizi miqdorida davlat daromadi hisobiga ushlab qolgan holda 2 yil 6 oy muddatga axloq tuzatish ishlari jazosi tayinlangan.
Izoh (0)