Musobaqa doirasida yengil vazn toifasida UFC chempioni, rossiyalik Islom Maxachev Armaniston vakili Arman Sarukyanga qarshi bahs olib borishi kerak edi. Biroq jang Sarukyanning vazn tashlash jarayonida sog‘lig‘i yomonlashgani sabab bo‘lgan.
Endi Islomga musobaqada Renato Moykano raqib bo‘ladi. Bu haqda UFC prezident Dana Uayt ma’lum qildi.
Faoliyati davomida Maxachev 27 ta jang o‘tkazgan bo‘lib, ulardan 26 tasida g‘alaba qozongan va bir marta mag‘lub bo‘lgan. Moykano esa 20 ta g‘alaba, beshta mag‘lubiyat va bitta durang natijaga ega.
Eslatib o‘tamiz, UFC 311 turnirining yana bir asosiy jangida rossiyalik Umar Nurmagomedov va gruziyalik Merab Dvalishvili ishtirok etadi.
Ma’lumot uchun, o‘zbekistonlik MMA ustasi Bogdan Guskov UFC 311 turnirida o‘zining navbatdagi jangini amerikalik 29 yoshli Billi Elekanga qarshi o‘tkazadi. Billi MMA’da 8 g‘alaba (4 tasi nokaut), 1 durang va 1 mag‘lubiyat qayd etgan. Elekan so‘nggi jangini o‘tgan yilning iyul oyida Lights Out Xtreme Fighting turniri doirasida Jurill Simmonsga qarshi o‘tkazib, raqibini birinchi raundning o‘zida texnik nokautga uchratgandi. Bogdanga qarshi jang u uchun UFC promoushenidagi debyut bo‘ladi.
Eslatib o‘tamiz, Bogdan Guskov UFC Vegas 91 turnirida amerikalik Rayan Spenni ikkinchi raundda texnik nokautga uchratdi. Bu Guskovning MMA’dagi 16-g‘alabasi bo‘ldi. Shuningdek, uning hisobida 3 ta mag‘lubiyat ham bor.
Izoh (0)