Norvegiya futbol klublari mamlakatning ikki oliy divizionida videoyordamchi hakamlar (VAR) tizimini bekor qilish niyatida. Bu haqda Norvegiya futbol muxlislar birlashmasi sayti xabar bermoqda.
Xabarga ko‘ra, hozirgacha 32 klubdan 18 tasi VAR’ni bekor qilish tarafdori, ulardan 13 tasi oliy divizion vakillari hisoblanadi.
“Ovoz berish jarayoni shuni ko‘rsatmoqdaki, Norvegiyaning eng kuchli 32 klubi orasida ko‘pchilik VARga mutlaq qarshi. Ushbu masalani muhokama qilishni rejalashtirgan yana bir nechta klublar bor, bunga qarshi chiqadiganlar soni bundan ham ko‘proq bo‘lishi mumkin”, deya birlashma raisi Anders Kjellevoldning so‘zlarini keltiradi The i nashri.
Yakuniy ovoz berish 22-yanvar kuni bo‘lib o‘tishi kutilmoqda. Hisobotda klublar VAR sifati, uning o‘yin sur’atiga ta’siri, tizim mavjud bo‘lishiga qaramay, munozarali hakamlik qarorlari va stadionlarda kameralar soni ko‘paysa, klublar zimmasiga tushadigan moliyaviy yukdan norozi ekani aniqlangan.
Izoh (0)