“Liverpul” Saudiya Arabistonining “Al-Hilol” klubining 25 yoshli markaziy hujumchisi Darvin Nunyesni 70 million funt evaziga sotib olish bo‘yicha og‘zaki taklifni rad etdi. Bu haqda Anfield Watch xabar bermoqda.
Manba ma’lumotlariga ko‘ra, ingliz klubi o‘z hujumchisini 85 million funtga baholamoqda. Biroq “Liverpul” 75 million funtlik taklifni qabul qilishi mumkinligi aytilmoqda. Shuningdek, Darvinning ketishi "Nyurnberg" klubidan gretsiyalik hujumchi Stefanos Simasning jamoaga kelishini tezlashtirishi mumkin. Mersisayd klubi unga qiziqish bildirmoqda.
Joriy mavsumda Nunyes barcha turnirlarda 26 ta o‘yinda qatnashib, 4 ta gol va 4 ta golli uzatmani amalga oshirdi. Futbolchining klub bilan amaldagi shartnomasi 2028-yilning yoziga qadar mo‘ljallangan. Transfermarkt portalida taqdim etilgan ma'lumotlarga ko‘ra, futbolchining bozor qiymati 65 million yevroni tashkil qiladi.
Avvalroq Saloh Saudiya Arabistoni chempionati klubiga erkin agent sifatida o‘tish bo‘yicha kelishuvga erishgani xabar qilingandi.
Izoh (0)