Taraqqiyot strategiyasi, BMT “oilasi”, yashil iqtisodiyot: davlat dasturi muhokamasidan fotojamlanma

“Taraqqiyot strategiyasi” markazi tomonidan BMTning O‘zbekistondagi doimiy koordinatori ofisi bilan hamkorlikda O‘zbekiston prezidentining “O‘zbekiston – 2030” strategiyasini “Atrof-muhitni asrash va “yashil iqtisodiyot” yilida amalga oshirishga oid davlat dasturi to‘g‘risidagi farmoni loyihasining xalqaro hamjamiyat bilan jamoatchilik muhokamasi tashkil etildi. Tadbirda 200 dan ortiq mutaxassislar, jumladan, Oliy Majlis a’zolari, BMT “oilasi”ga kiruvchi barcha agentliklarning O‘zbekistondagi vakolatxonalari rahbarlari va ekspertlari, Jahon banki, Islom taraqqiyot banki, Yevropa tiklanish va taraqqiyot banki, Yevropada Xavfsizlik va hamkorlik tashkiloti vakillari hamda dunyoning turli chekkalaridan 30 dan ortiq xorijiy ekspertlar ishtirok etdi.

Davlat dasturi 295 ta amaliy chora-tadbirlar, 87 ta normativ-huquqiy hujjatlar va 269 ta maqsadli ko‘rsatkichlarni o‘z ichiga oladi. Jamoatchilik muhokamasi jarayonida tadbir qatnashchilari hujjatni yanada takomillashtirish uchun o‘z fikr va takliflarini bildirdi.

“O‘zbekiston – 2030” strategiyasi loyihasi 2025-yil 8-yanvardan boshlab www.uzbekistan2030.uz portaliga keng jamoatchilik muhokamasi uchun joylashtirilgan. Portal orqali aholiga strategiya va davlat dasturlarining ijrosi, shuningdek har bir maqsad va ko‘rsatkichlar yuzasidan o‘z fikr-mulohazalarini qoldirish hamda takliflarini bildirish imkoniyati yaratildi.

Fotogalereyada muhokamadan yorqin lahzalar, qatnashchilarning nutqlari va ish jarayoni aks etgan.