Ukraina armiyasi urush boshlanganidan buyon ilk bor tanklar bo‘yicha ustunlikka erishdi. Bu haqda harbiy sharhlovchi Devid Aks ma’lum qildi.
U har ikki tomonning tanklardan foydalanish taktikasini tahlil qilgan rossiyalik harbiy blogerning maqolasidan parchalarni keltiradi.
Bizning tanklarimiz faqat yopiq o‘t ochish pozitsiyalaridan ishlashi mumkin. To‘g‘ridan to‘g‘ri yo‘l-yo‘riq bilan ishlash va piyodalarni kuzatib borish ular uchun imkonsiz, degan rossiyalik harbiy bloger.
Buning asosiy sababini u Ukraina FPV-dronlarining juda samarali ishlashini aytgan. Agar rossiyaliklar tanklarni hujumga yuborishga urinsa, ukrainalik dronchilar odatda ularni o‘t ochish chizig‘iga yaqinlashganda yoqib yuboradi.
Dushman o‘z dronlarining yetarlicha ommaviyligi va xilma-xilligiga erishdi, ularni qo‘llash taktikasini takomillashtirdi. Shu sababli, taktik yo‘nalishda dushmanning kamida 2 ta zarba beruvchi dronlar (FPV) rotasi va 2 ta razvedka droni rotasi (bu harbiy qismlarning kopterlariga qo‘shimcha ravishda) mavjud bo‘lsa, u bizning zirhli texnika va tanklarimizning harakat qilish imkoniyatini butunlay to‘sib qo‘yadi. Tanklar va BMP/BTRlar hujumga o‘tish marrasiga yetib bora olmayapti — ular oldingi marradan 3-6 km uzoqlikda, bizning saflarimiz ichida yo‘q qilinmoqda, deydi bloger.
Ukraina tanklari, rus dronlaridan zarar ko‘rsalar-da, to‘qnashuv liniyasida ancha ko‘proq harakat erkinligiga ega. Blogerning ta’kidlashicha, Rossiya dronlari sezilarli darajada past samaradorlik ko‘rsatmoqda, chunki ular elektron kurash tizimlariga nisbatan zaifroq. Yaxshi himoyalangan chastotalarda yoki optik tolalarda ishlaydigan bunday dronlar juda kam, shu sababli ular faqat ustuvor yo‘nalishlardagina qo‘llanilmoqda.
Ukraina tanklarini nafaqat yopiq o‘q otish pozitsiyalaridan, balki ikkinchi darajali yo‘nalishlarda to‘g‘ridan-to‘g‘ri qisqa muddatli o‘qqa tutish uchun ham ishlatish imkoniyatiga ega. Raqib yuqori moslashuvchanlikni namoyon etmoqda. Garchand ularga katta hududlarni ushlab turish uchun piyoda askarlar yetishmasa-da, qo‘shinlarning texnologik turlari bo‘yicha ular hamon jiddiy raqib bo‘lib qolmoqda, deb ta’kidlaydi rossiyalik bloger.
♦ Ukrainaning urushni tugatish shartlari
Ukraina qo‘shinlarni 1991-yil chegaralariga olib chiqishni nazarda tutuvchi “tinchlik formulasi”ni amalga oshirishni talab qilmoqda. Gap 2014 va 2022-yillarda Rossiya tomonidan u yerda o‘tkazilgan “referendumlar” va Ukrainaning Qrim, Donetsk, Lugansk, Xerson va Zaporojye viloyatlari noqonuniy anneksiya qilingani haqida ketmoqda. Moskva “tinchlik formulasi” asosida muzokaralar olib borish imkoniyatini istisno qiladi.
♦ Rossiya shartlari
Putin o‘t ochishni to‘xtatish uchun o‘z shartlarini ilgari surdi, jumladan, Ukraina qo‘shinlari o‘zini o‘zi mustaqil deb e’lon qilingan DXR, LXR, Xerson va Zaporojye viloyatlaridan olib chiqilishi, ushbu to‘rtta hudud va Qrim go‘yoki xalqaro miqyosda Rossiyaning bir qismi sifatida tan olinishi, Ukrainaning NATOga a’zolikdan voz kechishi va sanksiyalarni olib tashlash. Zelenskiy bu taklifni “ishonib bo‘lmaydigan” ultimatum deb atadi.
Izoh (0)