Belarus prezidenti Aleksandr Lukashenko hokimiyatga tirmashib olmasligini, uni yangi avlodga tinch va osoyishta yo‘l bilan topshirish uchun hamma narsaga tayyorligini aytdi.
Lukashenko bu haqda Logoiskdagi ibodatxonaga tashrifi chog‘ida ma’lum qildi, deb xabar bermoqda “BelTA”.
Shu bilan birga, u yangi hukumat davrida yashay olishiga umid bildirdi.
“Mening bolalarim qanday yashashlarini ko‘rishni xohlayman”, dedi Lukashenko.
Belarus prezidenti hokimiyatni kuch bilan saqlab qolishga harakat qilmayotganini qo‘shimcha qildi.
Belarusda navbatdagi prezidentlik saylovi 2025-yil 26-yanvarga belgilangan.
Unda ishtirok etish uchun besh kishi, jumladan, 1994-yildan beri respublika prezidenti lavozimini egallab kelayotgan va yettinchi prezidentlik muddatiga o‘z nomzodini qo‘ymoqchi bo‘lgan Lukashenko da’vogarlik qilmoqda.
Avvalroq Aleksandr Lukashenko Belarusdagi saylovlarda tartibsizliklar yuzaga kelsa, harbiylarni jalb qilishga tayyorligini ma’lum qilgandi.
“Zarur bo‘lganda politsiya, kerak bo‘lganda tartib o‘rnatilishi uchun harbiylarni qo‘rqmasdan jalb qilaveringlar”, dedi Belarus prezidenti gubernatorlar bilan uchrashuvda.
Uning so‘zlariga ko‘ra, Belarusda saylov komissiyalari a’zolariga tashqaridan bosim o‘tkazishga urinishlar kuzatilmoqda.
Izoh (0)