Qirg‘izistonda metapnevmovirusning ikki holati aniqlandi. Bu haqda mamlakat Sog‘liqni saqlash vazirligi matbuot xizmatiga tayanib, “24.kg” xabar berdi.
Bugungi kunda respublikada o‘tkir respirator virusli infeksiyalar (O‘RVI) ustunlik qilmoqda. 2024-yil oktyabrdan dekabr oyigacha 1 144 nafar bemorning tahlillari o‘tkazildi. Olingan namunalar orasida 210 ta rinovirus, 259 ta respirator-sentisial virus, 105 ta adenovirus, 79 ta bokovirus, 98 ta paragripp ham (asosan 3 va 4-tiplar) aniqlangan.
Xitoyda kasallanishning keskin o‘sishi
Xitoyda respirator viruslar bilan kasallanishning oshishi kuzatilmoqda, bu esa shifoxonalarning to‘lib ketishiga olib kelmoqda. qishda Xitoyning shimoliy viloyatlarida metapnevmovirusga chalinish ko‘paygan. Bu ayniqsa bolalar orasida keng tarqalgan. Bir vaqtning o‘zida bir nechta viruslar, shu jumladan Mycoplasma pneumoniae ham qayd etilmoqda.
Kasallik O‘zbekistonda ham aniqlangan
Ayni vaqtda respublikada o‘tkir respirator infeksiyalarga chalinish holatlarining mavsumiy ko‘tarilishi kuzatilmoqda. Sanepidqo‘mitaga ko‘ra, ushbu respirator infeksiyalarning so‘nggi laboratoriya tahlillari natijasiga ko‘ra: 36,9 foizida gripp virusi, 30,2 foizida rinovirus, 28,6 foizida respirator-sinsitial virus, 1,2 foizida metapnevmovirus va 3,1 foizida boshqa viruslar aniqlangan. Qo‘shni Qozog‘istonda esa mazkur kasallikka 30 kishi chalingan.
HMPV nima?
Inson metapnevmovirusi yoki HMPV nafas yo‘llari infeksiyasini keltirib chiqaruvchi virus bo‘lib, u oddiy shamollash va grippga o‘xshash belgilarni yuzaga keltiradi. Kasallik ko‘pincha yengil kechsa-da, ayniqsa chaqaloqlar, keksalar va immun tizimi zaiflashgan kishilarda pnevmoniya kabi jiddiy asoratlarga olib kelishi mumkin.
Aslida virus yangi emas, lekin Xitoyning shimolida, ayniqsa 14 yoshdan kichik bolalar orasida kasallanish holatlari ko‘paygani tufayli e’tiborni tortdi.
Birinchi marta 2001-yilda aniqlangan HMPV bir zanjirli RNK virusi bo‘lib, nafas olish tomchilari yoki ifloslangan yuzalar bilan aloqa orqali tarqaladi. Bu infeksiyalar ilgari ham Buyuk Britaniya kabi turli mamlakatlarda qayd etilgan.
Izoh (0)