Angliya premyer-ligasining 20-turi doirasida o‘tkazilishi rejalashtirilgan “Liverpul” — “Manchester Yunayted” o‘yini bekor qilinishi mumkin.
Bunga Liverpul shahriga yog‘gan kuchli qor sabab bo‘lishi mumkin.
“Liverpul” klubi matbuot xizmati bergan xabarga ko‘ra, bugun ertalab xavfsizlik yig‘ilishi bo‘lib o‘tgan va unda uchrashuv odatdagidek o‘tishi rejalashtirilgan.
Endilikda joriy sharoitlarni baholash uchun yana bir xavfsizlik yig‘ilishi bo‘ladi. Hozircha yakuniy qaror qabul qilinmagan.
Maʼlumot uchun, “Liverpul” APLda 18 o‘yindan so‘ng 45 ochko jamg‘argan holda yetakchilik qilmoqda, “Manchester Yunayted” esa 19 o‘yinda 22 ochko jamg‘arib, 14-o‘rinda bormoqda.
Izoh (0)