Toshkentda BMW motosiklida soatiga 310 km tezlikda harakatlangan yigit ma’muriy javobgarlikka tortildi. Bu haqida Ichki ishlar vazirligi Jamoat xavfsizligi departamenti Yo‘l harakati xavfsizligi xizmati Telegram’dagi kanalida ma’lum qildi.
Yigit motosiklini poytaxt ko‘chalari bo‘ylab 310 km/soat tezlikda boshqarayotganini videoga olib, ijtimoiy tarmoqlardagi sahifasiga joylagan.
Bu orqali o‘zi va boshqa yo‘l harakati ishtirokchilari hayotini xavf ostiga qo‘yish bilan birgalikda, qoidabuzarlikni targ‘ib qilgan.
Unga nisbatan Ma’muriy javobgarlik to‘g‘risidagi kodeksning 128−3-moddasi 3-qismi bilan ma’muriy bayonnoma rasmiylashtirilgan (transport vositalari haydovchilarining belgilangan harakat tezligini soatiga 40 km/soatdan ortiq oshirib yuborishi BHMning 9 baravari yoki 3,37 mln so‘m miqdorida jarima solishga sabab bo‘ladi).
Avvalroq Toshkentda bir kechada 7 ta avtomobil YTHga uchragani xabar berilgandi.
11-dekabr kuni Toshkent shahri, Shayxontohur tumanida sodir bo‘lgan YTHda 18 yoshli haydovchi vafot etgan.
27-noyabr kuni Toshkentda ikki yuk mashinasi ishtirokidagi YTHda bir kishi halok bo‘lgan.
Izoh (0)