Netflix striming platformasi o‘zining YouTube kanalida yangi “Hurmat bilan, Megan” shousining treylerini namoyish etdi. Loyiha muallifi va boshlovchisi sobiq aktrisa va Sasseks gersoginyasi Megan Marklning o‘zidir.
Mazkur shou mualliflari so‘zlariga ko‘ra, Megan Marklning loyihasi layfstayl uslubidagi ko‘rsatuvlarga bo‘lgan o‘zgacha yondashuvni namoyish etadi. Uning premyerasida foydali maslahatlar va turli mehmonlar bilan samimiy suhbatlar bo‘lib o‘tadi. Megan Markl esa tomoshabinlarga o‘zining pazandalik mahoratlarini ko‘rsatadi va shaxsiy tavsiyalarini baham ko‘radi.
Treylerdan guvohi bo‘lishimiz mumkinki, shoudagi voqealar faqatgina oshxona binosida tasvirga olinmaydi. Ayrim kadrlarda Meganning haqiqiy asalari boqiladigan joyda asal yig‘ayotgani, uy hayvonlari bilan o‘ynayotgani va gul do‘konida florist sifatida o‘zini sinab ko‘rayotgani ko‘rsatilgan.
Treylerda Markl “har doim oddiy narsalarni yanada yaxshilash, takomillashtirish va odamlarga ularni qadrlashimizni ko‘rsatish orqali hayratlantirishni yaxshi ko‘raman”, deb ta’kidlagan. Shuningdek, videoda uning turmush o‘rtog‘i, Britaniya shahzodasi Garri ham tasvirga tushgan.
Izoh (0)