AQSHning 39-prezidenti Jimmi Karter 29-dekabr kuni 100 yoshida vafot etdi. Bu haqda uning o‘g‘li Jeyms Karter III bayonotiga tayanib The Washington Post xabar berdi.
U shunday keksa yoshgacha hayot kechirgan AQSHning yagona sobiq prezidenti edi. U Jorjiya shtatida, o‘z uyida vafot etdi. 2015-yilda Jimmi Karterga saraton tashxisi qo‘yilgan. 2023-yilda u davolanishni davom ettirishdan bosh tortgan va umrining qolgan qismini uyda o‘tkazishga qaror qilgan.
Karter AQSHga 1977-yildan 1981-yilgacha rahbarlik qilgan. 2002-yilda “dunyodagi mojarolarni tinch yo‘l bilan hal qilishga qaratilgan sa’y-harakatlari uchun” tinchlik bo‘yicha Nobel mukofotiga sazovor bo‘lgan.
2023-yilning noyabrida uning turmush o‘rtog‘i Rozalin Karter 97 yoshida vafot etgandi.
Izoh (0)