Gavayi arxipelagining katta orolida dunyodagi eng faol vulqonlardan biri bo‘lgan Kilauea otilmoqda. Bu haqda The Guardian xabar berdi.
Vulqon otilishi 23-dekabr kuni mahalliy vaqt bilan erta tongda boshlangan. Hodisa bir necha oydan beri birinchi marta sodir bo‘lmoqda. Kilauea oxirgi marta 2023-yil iyun oyida otilgandi. Bu mazkur vulqonning so‘nggi to‘rt yil ichidagi oltinchi otilishidir. Oldingi otilishlar bir haftadan bir yilgacha davom etgan.
Lava fontanlari 80 metr balandlikka ko‘tarilmoqda, u mahalliy aholi uchun xavf tug‘dirmaydi. Biroq mutaxassislar suv bug‘i, karbonat angidrid va oltingugurt dioksidi chiqindilari ayniqsa shamol kuchayganda xavfli bo‘lishini aytgan. Bu esa vulqon tutunini hosil qilishi mumkin. Bundan tashqari, Kilauea otilishi munosabati bilan qizil aviatsiya kodi e’lon qilingan, bu esa havo qatnoviga xavf solmoqda.
Izoh (0)