Abduqodir Husanov va “Barsa” futbolchisi Kubarsi eng yaxshi yosh markaziy himoyachilar reytingida yetakchi

Xalqaro sport tadqiqotlari markazi (CIES) 21 yoshgacha bo‘lgan jahonning eng yaxshi markaziy himoyachilari reytingini tuzib chiqdi.

Tashkilot vakillari reytingni Wyscout ma’lumotlariga tayanib tuzib chiqqan. Himoyaviy harakatlarni amalga oshiruvchi markaziy himoyachilar orasida ushbu reytingda Husanov 81,8 ball to‘pladi va reytingning eng yuqori o‘rnidan joy oldi.

Dunyoning Top U-21 himoyaviy harakatlanuvchi markaziy himoyachilari:

Abduqodir Husanov (“Lans”) — 81.8;
Piyetro Komuzzo (“Fiorentina”) — 81.7;
Matte Smets (“Genk”) — 79.2;
Vitor Reys (“Palmeyras”) — 78.9;
Kristian Moskuyera (“Valensiya”) — 77.5.

Bundan tashqari, tashkilot universal o‘yinga moslashgan markaziy himoyachilar reytingini tuzdi. Bu ro‘yxatda “Barsa” futbolchisi Kubarsi yetakchi bo‘lib turibdi.

Ma’lumot uchun, Husanov kecha, 23-dekabr kuni O‘zbekistonda yilning eng yaxshi yosh sportchisi, deb topildi.

Futbolchi “PSJ”ga qarshi uchrashuvda jamoasining yagona goliga hammualliflik qildi.

Hozirgi paytda Abduqodir O‘zbekistondagi eng qimmat futbolchi bo‘lib turibdi. Transfermarkt uni 12 million yevroga baholagan.

Wyscout — bu futbolga ixtisoslashgan texnologik kompaniya bo‘lib, futbol klublariga, skautlarga, murabbiylarga va futbol agentlariga professional xizmatlarni taqdim etadi. Kompaniya 2004-yilda Italiyada tashkil etilgan va futbol ma’lumotlarini tahlil qilish, video analizlar, futbolchilarning statistikalari va o‘yinlarni kuzatish bo‘yicha maxsus platforma yaratgan.

Abduqodir Husanov va “Barsa” futbolchisi Kubarsi eng yaxshi yosh markaziy himoyachilar reytingida yetakchi

Izoh (0)

Mavzuga doir

Daryo.uz | Sizning muammoingiz yechimi