“Oppengeymer” filmi rejissyori va “Oskar” mukofoti sovrindori Kristofer Nolan v Buyuk Britaniya qiroli Charlz III tomonidan ritsar unvoniga, uning rafiqasi Emma Tomas kino sohasidagi xizmatlari uchun Tomas xonim unvoniga sazovor bo‘ldi.
Taqdirlash marosimi 18 dekabr kuni Bukingem saroyida bo‘lib o‘tdi. Nolanning so‘zlariga ko‘ra, qirol Charlz III “Oppengeymer”ni sevib tomosha qilgan.
“Britaniya qiroli shaxsan men va rafiqam qalamiga mansub filmni yaxshi ko‘rishini eshitish biz uchun katta sharaf edi. Charlz II ning bu so‘zlarini men yanada ko‘proq rivojlanishim uchun rag‘bat sifatida qabul qildim”, dedi rejissyor.
Nolannig rafiqasi Emma Tomas ham “hayotida bunday voqea sodir bo‘lishini kutmagani” ni va turmush o‘rtog‘i bilan faxrlanishini aytdi.
Ma’lumot uchun, ritsarlik unvoniga sazovor bo‘lgan erkaklarga nisbatan “knight” (“janob”), ayollarga “xonim” (dame) murojaatlarini ishlatishadi. Ikkala unvon ahamiyati bo‘yicha teng hisoblanadi.
Britaniya monarxi tomonidan ritsar unvoni boshqa mashhurlarga ham berilgan, jumladan, britaniyalik aktyorlar Shon Konneri, Entoni Hopkins, Benedikt Kamberbetch, xonandalardan Mik Jegger, Pol Makkartni va Elton Jon kabilar ham ritsarlik maqomiga ega.
Kristofer Nolanning so‘nggi “Oppengeymer” filmi “Oskar” mukofotini qo‘lga kiritish bo‘yicha yetakchi loyihaga aylandi. Asar 13 nominatsiya ichidan birdaniga yettitasida g‘olib bo‘ldi. Ular orasida “Eng yaxshi film”, “Eng yaxshi rejissyor”, “Eng yaxshi bosh rol ijrochisi” va “Eng yaxshi ikkinchi plandagi aktyor” kabi nominatsiyalar bor.
Izoh (0)